ଏହା ଭାରତୀୟ ଫୁଟବଲ୍ ପ୍ରଶଂସକଙ୍କ ପାଇଁ ଅତ୍ୟନ୍ତ ନିରାଶାଜନକ ଖବର । ଆର୍ଜେଣ୍ଟିନା ସୁପରଷ୍ଟାର ଲିଓନେଲ୍ ମେସି ଏବଂ ତାଙ୍କ ଦଳ ଆସନ୍ତା ମାସରେ ଭାରତର କେରଳ ରାଜ୍ୟକୁ ଆସୁନାହାଁନ୍ତି । ଏହି ଗସ୍ତ ଏବଂ କୋଚିରେ ନିର୍ଦ୍ଧାରିତ ବନ୍ଧୁତ୍ୱପୂର୍ଣ୍ଣ ମ୍ୟାଚକୁ ସ୍ଥଗିତ ରଖାଯାଇଥିବା ଆଣ୍ଟୋନ୍ ଅଗଷ୍ଟିନ୍ ଶନିବାର ଘୋଷଣା କରିଛନ୍ତି ।
କ୍ରୀଡ଼ା ଖବର: ଭାରତୀୟ ଫୁଟବଲ୍ ପ୍ରଶଂସକଙ୍କ ପାଇଁ ନିରାଶାଜନକ ଖବର ଆସିଛି । ଆର୍ଜେଣ୍ଟିନା ଫୁଟବଲ୍ ଦଳ ଏବଂ ଏହାର ସୁପରଷ୍ଟାର ଅଧିନାୟକ ଲିଓନେଲ୍ ମେସି ଆସନ୍ତା ମାସରେ ଭାରତର କେରଳ ରାଜ୍ୟକୁ ଗସ୍ତ କରିବେ ନାହିଁ । ବହୁ ପ୍ରତୀକ୍ଷିତ ଏହି ଗସ୍ତର ପ୍ରାୟୋଜକ ଥିବା ଆଣ୍ଟୋନ୍ ଅଗଷ୍ଟିନ୍ ଶନିବାର ଦିନ ଆନୁଷ୍ଠାନିକ ଭାବେ ଘୋଷଣା କରିଛନ୍ତି ଯେ ନଭେମ୍ବରରେ କୋଚିରେ ନିର୍ଦ୍ଧାରିତ ବନ୍ଧୁତ୍ୱପୂର୍ଣ୍ଣ ମ୍ୟାଚ୍ ଅନୁଷ୍ଠିତ ହେବ ନାହିଁ ।
ଏହା ପୂର୍ବରୁ ଅଗଷ୍ଟିନ୍ କେରଳ କ୍ରୀଡ଼ା ବିଭାଗ ସହିତ ମିଶି ଘୋଷଣା କରିଥିଲେ ଯେ ମେସିଙ୍କ ନେତୃତ୍ୱରେ ଥିବା ଆର୍ଜେଣ୍ଟିନା ଦଳ ନଭେମ୍ବର ୧୭ ତାରିଖରେ କୋଚିର ଜବାହରଲାଲ୍ ନେହେରୁ ଅନ୍ତର୍ଜାତୀୟ ଷ୍ଟାଡିୟମରେ ଏକ ବନ୍ଧୁତ୍ୱପୂର୍ଣ୍ଣ ମ୍ୟାଚ୍ ଖେଳିବ । ଏହି ଖବର ପରେ ସାରା ଦେଶରେ ଫୁଟବଲ୍ ପ୍ରଶଂସକଙ୍କ ମଧ୍ୟରେ ବହୁତ ଉତ୍ସାହ ଦେଖାଦେଇଥିଲା, କିନ୍ତୁ ବର୍ତ୍ତମାନ ମ୍ୟାଚ୍ ସ୍ଥଗିତ ରହିବା ସହିତ ସେମାନଙ୍କ ଆଶାକୁ ଏକ ବଡ଼ ଝଟକା ଲାଗିଛି ।
ମ୍ୟାଚ୍ ସ୍ଥଗିତ ରଖିବାର କାରଣ
ଏହା ପୂର୍ବରୁ ଏହି ମ୍ୟାଚ୍ ନଭେମ୍ବର ୧୭ ତାରିଖରେ କୋଚିର ଜବାହରଲାଲ୍ ନେହେରୁ ଅନ୍ତର୍ଜାତୀୟ ଷ୍ଟାଡିୟମରେ ଅନୁଷ୍ଠିତ ହେବାର ଥିଲା । ଏହା ପରେ ଭାରତର ସବୁଆଡେ ଫୁଟବଲ୍ ପ୍ରଶଂସକଙ୍କ ମଧ୍ୟରେ ବହୁତ ଉତ୍ସାହ ଦେଖାଦେଇଥିଲା । କିନ୍ତୁ ବର୍ତ୍ତମାନ ମ୍ୟାଚ୍ ସ୍ଥଗିତ ରଖାଯାଇଛି । ଆଣ୍ଟୋନ୍ ଅଗଷ୍ଟିନ୍ ତାଙ୍କ ଫେସବୁକ୍ ପୋଷ୍ଟରେ ଲେଖିଛନ୍ତି ଯେ, ଫିଫାଠାରୁ ଅନୁମତି ମିଳିବାରେ ବିଳମ୍ବ ହେବା ଏବଂ ଆର୍ଜେଣ୍ଟିନା ଫୁଟବଲ୍ ଆସୋସିଏସନ୍ (ଏ.ଏଫ.ଏ) ସହିତ ଆଲୋଚନା ପରେ ଏହି ନିଷ୍ପତ୍ତି ନିଆଯାଇଛି । ସେ ଏହା ମଧ୍ୟ ସୂଚନା ଦେଇଛନ୍ତି ଯେ ପରବର୍ତ୍ତୀ ଅନ୍ତର୍ଜାତୀୟ ମ୍ୟାଚ୍ ସିରିଜରେ ଏହି ମ୍ୟାଚ୍ ଆୟୋଜିତ ହେବ ଏବଂ ନୂଆ ତାରିଖ ଶୀଘ୍ର ଘୋଷଣା କରାଯିବ ।
କେରଳ ସରକାରଙ୍କୁ ଏହି ସ୍ଥଗିତାଦେଶ ବିଷୟରେ ଏପର୍ଯ୍ୟନ୍ତ କୌଣସି ଆନୁଷ୍ଠାନିକ ସୂଚନା ମିଳିନାହିଁ । କେରଳ କ୍ରୀଡ଼ା ମନ୍ତ୍ରୀ ଭି. ଅବଦୁର୍ ରେହମାନଙ୍କ କାର୍ଯ୍ୟାଳୟର ଜଣେ ଅଧିକାରୀ ସୂଚନା ଦେଇଛନ୍ତି ଯେ, ବିଭାଗ ଖୁବ୍ ଶୀଘ୍ର ପ୍ରାୟୋଜକ ଏବଂ ଆୟୋଜକମାନଙ୍କ ସହ ଯୋଗାଯୋଗ କରି ପରିସ୍ଥିତି ନିଶ୍ଚିତ କରିବ ।
ପ୍ରସ୍ତୁତି ଏବଂ ନିରାଶା
ଆର୍ଜେଣ୍ଟିନା ଫୁଟବଲ୍ ଆସୋସିଏସନ୍ (ଏ.ଏଫ.ଏ) ପ୍ରତିନିଧିମାନେ ପୂର୍ବରୁ କୋଚି ଗସ୍ତ କରି ଜବାହରଲାଲ୍ ନେହେରୁ ଷ୍ଟାଡିୟମରେ ଥିବା ସୁବିଧାଗୁଡ଼ିକୁ ଯାଞ୍ଚ କରିଥିଲେ । ଆୟୋଜକମାନେ ମ୍ୟାଚ୍ ପାଇଁ ବ୍ୟାପକ ପ୍ରସ୍ତୁତି କରିଥିଲେ । ଷ୍ଟାଡିୟମ୍, ସୁରକ୍ଷା ବ୍ୟବସ୍ଥା, ଟିକେଟ୍ ବିକ୍ରି ଏବଂ ବିଜ୍ଞାପନ ସମେତ ସମସ୍ତ ଯୋଜନା ଶେଷ ପର୍ଯ୍ୟାୟରେ ଥିଲା । ତଥାପି, ଏହି ଅପ୍ରତ୍ୟାଶିତ ନିଷ୍ପତ୍ତି ଫୁଟବଲ୍ ପ୍ରଶଂସକ ଏବଂ ଆୟୋଜକମାନଙ୍କ ମଧ୍ୟରେ ନିରାଶା ସୃଷ୍ଟି କରିଛି । ଭାରତୀୟ ମାଟିରେ ମେସି ଏବଂ ଆର୍ଜେଣ୍ଟିନା ଦଳ ଖେଳୁଥିବାର ଦେଖିବାକୁ ପ୍ରଶଂସକମାନେ ବହୁତ ଆଶା ରଖିଥିଲେ ।
ଫୁଟବଲ୍ ପ୍ରଶଂସକମାନେ ବର୍ତ୍ତମାନ ନୂଆ କାର୍ଯ୍ୟସୂଚୀକୁ ଅପେକ୍ଷା କରିଛନ୍ତି । ସୋସିଆଲ୍ ମିଡିଆରେ, ପ୍ରଶଂସକମାନେ ଲଗାତାର ପଚାରୁଛନ୍ତି ଯେ ନୂଆ ତାରିଖ କେବେ ଘୋଷଣା କରାଯିବ । ମେସିଙ୍କ ଆଗମନ ସ୍ଥଗିତ ରହିବା କେବଳ କ୍ରୀଡ଼ା ଆୟୋଜକଙ୍କ ପାଇଁ ନୁହେଁ, ଭାରତୀୟ ଫୁଟବଲ୍ ପ୍ରଶଂସକଙ୍କ ପାଇଁ ମଧ୍ୟ ଏକ ବଡ଼ ଝଟକା ।
