ସିଦ୍ଧାର୍ଥ ମାଲହୋତ୍ରା ଏବଂ ଜାହ୍ନବୀ କପୁରଙ୍କ ମୁଖ୍ୟ ଭୂମିକାରେ ଅଭିନୀତ ରୋମାଣ୍ଟିକ୍ କମେଡି ଫିଲ୍ମ "Param Sundari"କୁ ନେଇ ଦର୍ଶକଙ୍କ ଅପେକ୍ଷାର ଅନ୍ତ ଘଟିଛି। ରିଲିଜ୍ ତାରିଖକୁ ନେଇ ଦୀର୍ଘ ଦିନ ଧରି ଲାଗି ରହିଥିବା ଉତ୍କଣ୍ଠା ଉପରେ ନିର୍ମାତାମାନେ ଅନ୍ତ ଘଟାଇ ଏହାର ନୂଆ ରିଲିଜ୍ ତାରିଖ ଘୋଷଣା କରିଛନ୍ତି।
Param Sundari Release Date: ସିଦ୍ଧାର୍ଥ ମାଲହୋତ୍ରା ଏବଂ ଜାହ୍ନବୀ କପୁରଙ୍କୁ ପ୍ରଥମ ଥର ପାଇଁ ଏକାଠି ଦେଖିବାକୁ ମିଳିବ। ବଲିଉଡର ସବୁଠାରୁ ଅଧିକ ଅପେକ୍ଷିତ ରୋମାଣ୍ଟିକ୍ କମେଡି ଫିଲ୍ମ 'Param Sundari'ର ନୂଆ ରିଲିଜ୍ ତାରିଖ ଶେଷରେ ସ୍ଥିର ହୋଇଛି। ଏହି ଫିଲ୍ମଟି ପୂର୍ବରୁ 2025 ଜୁଲାଇ 25ରେ ରିଲିଜ୍ ହେବାର ଥିଲା। କିନ୍ତୁ ବର୍ତ୍ତମାନ ଏହା 2025 ଅଗଷ୍ଟ 29ରେ ସିନେମା ଘରେ ରିଲିଜ୍ ହେବ।
ଦିନେଶ ବିଜନଙ୍କ ମାଡକ୍ ଫିଲ୍ମ୍ସ ବ୍ୟାନରରେ ନିର୍ମିତ ଏହି ସିନେମା ଦର୍ଶକଙ୍କୁ ଏକ ନୂଆ ପ୍ରେମ କାହାଣୀର ଅନୁଭୂତି ଦେବ। ତୁଷାର ଜଲୋଟା ଏହି ସିନେମାର ନିର୍ଦ୍ଦେଶନା ଦେଇଛନ୍ତି। ଏହା ପୂର୍ବରୁ ସେ ଅଭିଷେକ ବଚ୍ଚନଙ୍କୁ ନେଇ 'ଦସଭି' ଭଳି ସଫଳ ସିନେମା ନିର୍ଦ୍ଦେଶନା ଦେଇଛନ୍ତି।
କାହିଁକି ବଦଳିଲା ରିଲିଜ୍ ତାରିଖ?
'Param Sundari'ର ରିଲିଜ୍ ତାରିଖ ପୂର୍ବରୁ ଜୁଲାଇ 25 ତାରିଖ ଧାର୍ଯ୍ୟ କରାଯାଇଥିଲା। ଅଜୟ ଦେବଗନଙ୍କ ଆକ୍ସନ୍ ସିନେମା 'ସନ୍ ଅଫ୍ ସର୍ଦାର 2' ମଧ୍ୟ ସେହି ଦିନ ରିଲିଜ୍ ହେବାର ଥିବାରୁ ବକ୍ସ ଅଫିସରେ ପ୍ରତିଦ୍ୱନ୍ଦିତା ଏଡ଼ାଇବା ପାଇଁ Param Sundariର ରିଲିଜ୍ ତାରିଖକୁ ପରିବର୍ତ୍ତନ କରାଯାଇଛି। ଏହା ବ୍ୟତୀତ ଜୁଲାଇ ମାସରେ ଅନ୍ୟ ବହୁ ବଡ଼ ସିନେମା ମଧ୍ୟ ରିଲିଜ୍ ହେବାର ସୂଚୀ ରହିଛି। ଏହି କାରଣଗୁଡ଼ିକ ପାଇଁ 'Param Sundari'ର ରିଲିଜ୍କୁ ଘୁଞ୍ଚାଇବା ପାଇଁ ନିର୍ମାତାମାନେ ନିଷ୍ପତ୍ତି ନେଇଛନ୍ତି।
ସଞ୍ଜୟ ଦତ୍ତ, ଟାଇଗର ଶ୍ରଫ୍ଙ୍କ ଅଭିନୀତ ଆକ୍ସନ୍ ସିନେମା 'ବାଗୀ 4' ସେପ୍ଟେମ୍ବର 5ରେ ରିଲିଜ୍ ହେବା ପୂର୍ବରୁ 'Param Sundari'କୁ ଯଥେଷ୍ଟ ସମୟ ମିଳିବା ସହିତ ଅଧିକ ସ୍କ୍ରିନ୍ ପାଇବା ପାଇଁ ରିଲିଜ୍କୁ ଅଗଷ୍ଟ 29କୁ ଘୁଞ୍ଚାଯାଇଛି ବୋଲି କୁହାଯାଉଛି।
ସୋସିଆଲ ମିଡିଆରେ ବଡ଼ ଘୋଷଣା
ମାଡକ୍ ଫିଲ୍ମ୍ସ ସୋସିଆଲ ମିଡିଆରେ ଏକ ନୂଆ ମୋସନ୍ ପୋଷ୍ଟର ରିଲିଜ୍ କରି ସିନେମାର ନୂଆ ରିଲିଜ୍ ତାରିଖ ଘୋଷଣା କରିଛି। ପୋଷ୍ଟରରେ ଲେଖାଅଛି, "ଏହି ବର୍ଷର ସବୁଠାରୁ ବଡ଼ ପ୍ରେମ କାହାଣୀ... ଆପଣଙ୍କ ହୃଦୟ ଜିତିବାକୁ ଆସୁଛି, ଅଗଷ୍ଟ 29ରୁ।" ଏହି ପୋଷ୍ଟର ସହିତ ସିନେମାର ପ୍ରଥମ ଗୀତ 'ପରଦେସିୟା' ମଧ୍ୟ ରିଲିଜ୍ ହୋଇଛି। ଏହି ଗୀତଟି ରିଲିଜ୍ ହେବା ପରେ ହିଁ ପ୍ରଶଂସକମାନଙ୍କ ମଧ୍ୟରେ ବେଶ୍ ଲୋକପ୍ରିୟ ହୋଇପାରିଛି। ଗୀତରେ ଥିବା ରୋମାଣ୍ଟିକ୍ ଥିମ୍ ଏବଂ ମେଲୋଡି ଶ୍ରୋତାମାନଙ୍କୁ ଆକର୍ଷିତ କରିଛି।
'Param Sundari' ଏକ Inter-cultural ରୋମାଣ୍ଟିକ୍ କମେଡି। ଉତ୍ତର ଭାରତ ଏବଂ ଦକ୍ଷିଣ ଭାରତର ପରିବେଶରେ ଉଦ୍ରେକ ହେଉଥିବା ପ୍ରେମ କାହାଣୀକୁ ବଡ଼ ପରଦାରେ ଦେଖିବାକୁ ମିଳିବ। ସିଦ୍ଧାର୍ଥ ମାଲହୋତ୍ରା ଏକ ପଞ୍ଜାବୀ ପୁଅ ଭୂମିକାରେ ଏବଂ ଜାହ୍ନବୀ କପୁର ଏକ ଦକ୍ଷିଣ ଭାରତୀୟ ଝିଅ ଭୂମିକାରେ ଅଭିନୟ କରିଛନ୍ତି। ସିଦ୍ଧାର୍ଥ ଏବଂ ଜାହ୍ନବୀ ପ୍ରଥମ ଥର ପାଇଁ ଏକାଠି ସ୍କ୍ରିନ୍ ସେୟାର କରୁଛନ୍ତି। ଏହି ନୂଆ ଯୋଡ଼ିଙ୍କୁ ଦେଖିବା ପାଇଁ ଦର୍ଶକମାନେ ଅପେକ୍ଷା କରି ରହିଛନ୍ତି।
ପ୍ରମୋସନ୍ ଏବଂ ଟ୍ରେଲର୍ ଶୀଘ୍ର
ସିନେମାର ଟ୍ରେଲର୍ ପାଇଁ ଅପେକ୍ଷା ବର୍ତ୍ତମାନ ଚରମ ସୀମାରେ ପହଞ୍ଚିଛି। ସିନେମାର ପ୍ରମୋସନ୍ ଯୋଜନାବଦ୍ଧ ଭାବେ କରିବାକୁ ନିର୍ମାତା ଦିନେଶ ବିଜନ ଏବଂ ନିର୍ଦ୍ଦେଶକ ତୁଷାର ଜଲୋଟା ଚାହୁଁଛନ୍ତି। ସିନେମାର ଅଫିସିଆଲ୍ ଟ୍ରେଲର୍ ଅଗଷ୍ଟ ପ୍ରଥମ ସପ୍ତାହରେ ରିଲିଜ୍ ହେବ। ପ୍ରମୋସନ୍ର ଅଂଶ ସ୍ୱରୂପ ସିଦ୍ଧାର୍ଥ ଏବଂ ଜାହ୍ନବୀ ଅନେକ ଟିଭି ଶୋ', ୟୁଟ୍ୟୁବ୍ ଚ୍ୟାନେଲ୍ ଏବଂ ଲାଇଭ୍ ଇଭେଣ୍ଟରେ ଅଂଶଗ୍ରହଣ କରିବେ। ସିନେମାର ଗୀତଗୁଡ଼ିକ ସୋସିଆଲ ମିଡିଆ ଏବଂ ରିଲ୍ସରେ ଟ୍ରେଣ୍ଡ କରୁଛି। ଏପର୍ଯ୍ୟନ୍ତ ମିଳିଥିବା ପ୍ରତିକ୍ରିୟା ବହୁତ ସକାରାତ୍ମକ ରହିଛି।
