ସଂଘ ଲୋକ ସେବା ଆୟୋଗ (UPSC) NDA/NA 2 ଏବଂ CDS 2 ପରୀକ୍ଷା 2026 ପାଇଁ ଅନଲାଇନ୍ ଆବେଦନର ଶେଷ ତାରିଖକୁ ବଢ଼ାଇଛି। ଆୟୋଗଙ୍କ ଅନୁସାରେ, ପ୍ରାର୍ଥୀମାନେ ବର୍ତ୍ତମାନ 11 ଜୁନ 2026 ସନ୍ଧ୍ୟା 6ଟା ପର୍ଯ୍ୟନ୍ତ ଅନଲାଇନ୍ ଆବେଦନ କରିପାରିବେ। ଆବେଦନ ପ୍ରକ୍ରିୟା upsconline.nic.in ରେ ଜାରି ରହିଛି।
ଜାତୀୟ ପ୍ରତିରକ୍ଷା ଏକାଡେମୀ ଏବଂ ନାଭାଲ୍ ଏକାଡେମୀ (NDA/NA 2) ତଥା କମ୍ବାଇନ୍ଡ ଡିଫେନ୍ସ ସର୍ଭିସେସ୍ (CDS 2) ପରୀକ୍ଷା 2026 ପାଇଁ ଆବେଦନ ପ୍ରକ୍ରିୟାର ଶେଷ ତାରିଖ UPSC ବଢ଼ାଇଛି। ଇଚ୍ଛୁକ ଏବଂ ଯୋଗ୍ୟ ପ୍ରାର୍ଥୀମାନେ 11 ଜୁନ 2026 ସନ୍ଧ୍ୟା 6ଟା ପର୍ଯ୍ୟନ୍ତ ଅନଲାଇନ୍ ଆବେଦନ କରିପାରିବେ।
ନିର୍ଦ୍ଧାରିତ ସମୟସୀମା ପରେ ଆବେଦନ ୱିଣ୍ଡୋ ବନ୍ଦ କରାଯିବ ବୋଲି ଆୟୋଗ ସ୍ପଷ୍ଟ କରିଛି। ଏପର୍ଯ୍ୟନ୍ତ ଆବେଦନ କରିନଥିବା ପ୍ରାର୍ଥୀମାନେ ନିର୍ଦ୍ଧାରିତ ସମୟ ମଧ୍ୟରେ ନିଜର ଫର୍ମ ଦାଖଲ କରିପାରିବେ।
ପ୍ରାର୍ଥୀମାନେ UPSC ର ଅଧିକାରିକ ୱେବସାଇଟ୍ ମାଧ୍ୟମରେ ନିଜେ ଆବେଦନ କରିପାରିବେ। ଆବେଦନ ପ୍ରକ୍ରିୟା ସମ୍ପୂର୍ଣ୍ଣ ଅନଲାଇନ୍ ରଖାଯାଇଛି। ଏଥିପାଇଁ ପ୍ରଥମେ ପ୍ରାର୍ଥୀମାନଙ୍କୁ upsconline.nic.in ରେ ଯାଇ ନୂତନ ଆକାଉଣ୍ଟ ସୃଷ୍ଟି କରିବାକୁ ପଡ଼ିବ। ପଞ୍ଜୀକରଣ ସମ୍ପୂର୍ଣ୍ଣ ହେବା ପରେ ଲଗଇନ୍ କରି ଆବେଦନ ଫର୍ମ ପୂରଣ କରିବା ସହ ଆବଶ୍ୟକ ସୂଚନା ଦାଖଲ କରିବାକୁ ହେବ।
ଏହାପରେ ପ୍ରାର୍ଥୀମାନେ ନିର୍ଦ୍ଧାରିତ ଆବେଦନ ଶୁଳ୍କ ଦେଇ ଫର୍ମ ଦାଖଲ କରିବାକୁ ପଡ଼ିବ। ଆବେଦନ ପ୍ରକ୍ରିୟା ସମ୍ପୂର୍ଣ୍ଣ ହେବା ପରେ ଭବିଷ୍ୟତର ଆବଶ୍ୟକତା ପାଇଁ ଫର୍ମର ପ୍ରିଣ୍ଟ କପି ସୁରକ୍ଷିତ ଭାବେ ରଖିପାରିବେ।
NDA ଏବଂ NA ନିଯୁକ୍ତି ପାଇଁ ସାଧାରଣ ବର୍ଗର ପ୍ରାର୍ଥୀମାନଙ୍କୁ 100 ଟଙ୍କା ଆବେଦନ ଶୁଳ୍କ ଦେବାକୁ ପଡ଼ିବ। CDS 2 ପରୀକ୍ଷା ପାଇଁ 200 ଟଙ୍କା ଶୁଳ୍କ ନିର୍ଦ୍ଧାରିତ କରାଯାଇଛି। SC ଏବଂ ST ବର୍ଗର ପ୍ରାର୍ଥୀମାନଙ୍କୁ ଆବେଦନ ଶୁଳ୍କରେ ଛାଡ଼ ଦିଆଯାଇଛି। ଶୁଳ୍କ ଅନଲାଇନ୍ ମାଧ୍ୟମରେ ଦେଇପାରିବେ।
NDA ପଦବୀ ପାଇଁ ଆବେଦନ କରିବାକୁ ପ୍ରାର୍ଥୀଙ୍କୁ ଏକ ସ୍ୱୀକୃତିପ୍ରାପ୍ତ ବୋର୍ଡରୁ ଦ୍ୱାଦଶ ଶ୍ରେଣୀ କିମ୍ବା ସମକକ୍ଷ ପରୀକ୍ଷା ଉତ୍ତୀର୍ଣ୍ଣ ହେବା ଆବଶ୍ୟକ। ନାଭାଲ୍ ଏକାଡେମୀ ପାଇଁ ପଦାର୍ଥ ବିଜ୍ଞାନ ଏବଂ ଗଣିତ ବିଷୟ ସହିତ ଦ୍ୱାଦଶ ଶ୍ରେଣୀ ଉତ୍ତୀର୍ଣ୍ଣ କିମ୍ବା ଅଧ୍ୟୟନରତ ହେବା ଆବଶ୍ୟକ। ଏହି ପଦବୀଗୁଡ଼ିକ ପାଇଁ ପ୍ରାର୍ଥୀଙ୍କ ବୟସ 16.5 ବର୍ଷରୁ 19 ବର୍ଷ ମଧ୍ୟରେ ହେବା ଦରକାର।
CDS 2 ପରୀକ୍ଷା ପାଇଁ ପ୍ରାର୍ଥୀଙ୍କୁ ଏକ ସ୍ୱୀକୃତିପ୍ରାପ୍ତ ବିଶ୍ୱବିଦ୍ୟାଳୟ କିମ୍ବା ସଂସ୍ଥାରୁ ସ୍ନାତକ କିମ୍ବା ଇଞ୍ଜିନିୟରିଂ ଡିଗ୍ରୀଧାରୀ ହେବା ଆବଶ୍ୟକ। ବିଭିନ୍ନ ପଦବୀ ଅନୁଯାୟୀ ବୟସ ସୀମା 19 ବର୍ଷରୁ 24 କିମ୍ବା 25 ବର୍ଷ ପର୍ଯ୍ୟନ୍ତ ନିର୍ଦ୍ଧାରିତ କରାଯାଇଛି।
ଭାରତୀୟ ସେନା, ନୌସେନା କିମ୍ବା ବାୟୁସେନାରେ ଅଧିକାରୀ ହେବାକୁ ଇଚ୍ଛୁକ ପ୍ରାର୍ଥୀମାନଙ୍କ ପାଇଁ ଆବେଦନ ପ୍ରକ୍ରିୟା ଜାରି ରହିଛି। ଯୋଗ୍ୟ ପ୍ରାର୍ଥୀମାନେ ସମୟସୀମା ଶେଷ ହେବା ପୂର୍ବରୁ ନିଜର ଆବେଦନ ପ୍ରକ୍ରିୟା ସମ୍ପୂର୍ଣ୍ଣ କରିପାରିବେ।
