جب بھی سلمان خان گھر سے باہر جاتے ہیں، ان کے خاندان کو ان کی فکر لاحق ہو جاتی ہے۔ کیونکہ سلمان خان کو دھمکیاں کافی زیادہ آنے لگی ہیں اور اب تو میل کے ذریعے بھی دھمکیاں آ رہی ہیں۔
سلمن خان کے منیجر جارڈی پٹیل کو 19 مارچ کو ایک ای میل آیا۔ اس میل میں لکھا تھا، ’’ تیرے باس سلمن سے گوڈی براڑ کو بات کرنی ہے۔ لارنس بیشنوئ کا انٹرویو تو سلمن نے دیکھ ہی لیا ہوگا۔ اگر نہیں دیکھا ہے تو اس سے بول دینا کہ انٹرویو ضرور دیکھ لے۔‘‘
سلمن خان کو دھمکی دینے کے معاملے میں گینگسٹر لارنس بیشنوی، گلڈی براڑ اور روہت گرگ کے خلاف آئی پی سی کی دفعہ 506 (2)، 120 (ب) اور 34 کے تحت مقدمہ درج کر لیا گیا ہے۔
19 مارچ کو سلمان خان کو لارنس بشنوئی گینگ کی جانب سے ای میل کے ذریعے جان سے مارنے کی دھمکی ملی تھی۔ دھمکی ملنے کے بعد سے ہی سلمان کے گھر کے باہر پولیس کی ایک پوری ٹُکڑی دیکھی گئی ہے۔