ਅਫ਼ਗਾਨਿਸਤਾਨ ਨੇ ਪਹਿਲੀ ਵਾਰ ਕਿਸੇ ਟਾਪ 6 ਟੀਮ ਖਿਲਾਫ਼ ਸੀਰੀਜ਼ ਜਿੱਤੀ ਹੈ। ਟਾਪ-6 ਟੀਮਾਂ ਵਿੱਚ ਭਾਰਤ, ਪਾਕਿਸਤਾਨ, ਇੰਗਲੈਂਡ, ਸਾਊਥ ਅਫ਼ਰੀਕਾ, ਆਸਟ੍ਰੇਲੀਆ ਅਤੇ ਨਿਊਜ਼ੀਲੈਂਡ ਸ਼ਾਮਲ ਹਨ। ਅਫ਼ਗਾਨਿਸਤਾਨ ਇਸ ਤੋਂ ਪਹਿਲਾਂ ਵੈਸਟਇੰਡੀਜ਼, ਬੰਗਲਾਦੇਸ਼ ਅਤੇ ਜ਼ਿੰਬਾਬਵੇ ਖਿਲਾਫ਼ ਸੀਰੀਜ਼ ਜਿੱਤ ਚੁੱਕਾ ਹੈ।
ਅਫ਼ਗਾਨਿਸਤਾਨ ਦੀ ਟੀਮ ਲਗਾਤਾਰ ਵਿਕਟਾਂ ਗੁਆਉਂਦੀ ਗਈ। ਸਲਾਮੀ ਬੱਲੇਬਾਜ਼ ਰਹਿਮਾਨੁੱਲ੍ਹਾ ਗੁਰਬਾਜ਼ 18 ਅਤੇ ਸੈਦਿਕੁੱਲ੍ਹਾ ਅਟਲ 11 ਦੌੜਾਂ ਬਣਾ ਕੇ ਆਊਟ ਹੋਏ। ਇਸੇ ਤਰ੍ਹਾਂ, ਇਬਰਾਹਿਮ ਜਦਰਾਨ 3, ਉਸਮਾਨ ਘਨੀ 15 ਅਤੇ ਮੁਹੰਮਦ ਨਬੀ 17 ਦੌੜਾਂ ਬਣਾ ਕੇ ਪਵੇਲੀਅਨ ਵਾਪਸ ਪਰਤੇ।
ਪਹਿਲਾਂ ਬੱਲੇਬਾਜ਼ੀ ਕਰਨ ਉਤਰੀ ਪਾਕਿਸਤਾਨੀ ਟੀਮ ਦੇ ਸਾਰੇ ਬੱਲੇਬਾਜ਼ਾਂ ਨੇ ਥੋੜ੍ਹੇ-ਥੋੜ੍ਹੇ ਦੌੜਾਂ ਬਣਾਈਆਂ। ਓਪਨਿੰਗ ਕਰਨ ਉਤਰੇ ਮੁਹੰਮਦ ਹਾਰਿਸ 1 ਦੌੜ ਬਣਾ ਕੇ ਆਊਟ ਹੋ ਗਏ। ਇਸ ਤੋਂ ਬਾਅਦ ਤੈਅਬ ਤਾਹਿਰ ਨੇ 10 ਦੌੜਾਂ ਬਣਾਈਆਂ।
ਅਫ਼ਗਾਨਿਸਤਾਨ ਨੂੰ 66 ਦੌੜਾਂ ਨਾਲ ਹਰਾ ਕੇ ਪਾਕਿਸਤਾਨ ਨੇ ਤੀਸਰਾ ਟੀ-20 ਮੈਚ ਜਿੱਤ ਲਿਆ, ਪਰ ਪੂਰੀ ਸੀਰੀਜ਼ ਅਫ਼ਗਾਨਿਸਤਾਨ ਨੇ 2-1 ਨਾਲ ਜਿੱਤੀ।