ഷോർട്ടിനെ സംബന്ധിച്ചിടത്തോളം ഇത് അദ്ദേഹത്തിൻ്റെ ആദ്യ ഐ.പി.എൽ അനുഭവമായിരിക്കും. അടുത്ത കാലത്ത് നടന്ന ബിഗ് ബാഷ് ലീഗിൽ അദ്ദേഹം ടൂർണമെൻ്റിലെ മികച്ച കളിക്കാരനായിരുന്നു.
2022 സെപ്റ്റംബറിൽ ജോണി ബാർസ്റ്റോ സുഹൃത്തുക്കളോടൊപ്പം ഗോൾഫ് കളിക്കുന്നതിനിടെ പരിക്കേറ്റു. ദക്ഷിണാഫ്രിക്കയ്‌ക്കെതിരായ മൂന്നാമത്തെ ടെസ്റ്റിന് മുന്നോടിയായിട്ടാണ് താരത്തിന് ഈ പരിക്ക് പറ്റിയത്. ഗോൾഫ് കളിക്കുന്നതിനിടെ കാൽ വഴുതി വീണാണ് അപകടം സംഭവിച്ചത്.
പഞ്ചാബ് കിംഗ്സ്, ജോണി ബാരിസ്റ്റോയുടെ പരിക്ക് സംബന്ധിച്ച വിവരങ്ങൾ അറിയുവാനായി ബിസിസിഐ വഴി ഇംഗ്ലണ്ട് ക്രിക്കറ്റ് ബോർഡിനെ പലതവണ സമീപിച്ചിരുന്നു. ബാരിസ്റ്റോയ്ക്ക് ഐപിഎൽ കളിക്കാൻ കഴിയില്ലെന്ന് ഇപ്പോൾ ഇസിബി അറിയിച്ചിട്ടുണ്ട്.
സ്റ്റാർ ബാറ്റ്‌സ്മാൻ ജോണി ബെയർസ്റ്റോയ്ക്ക് പരിക്ക്; ഓസ്ട്രേലിയയുടെ മാത്യു ഷോർട്ട് പകരക്കാരനാകും.