ਸੁੰਬੁਲ ਨੇ ਇਹ ਵੀ ਦੱਸਿਆ ਕਿ ਉਨ੍ਹਾਂ ਨੇ ਪਹਿਲਾਂ ਹੀ ‘ਇਮਲੀ’ ਨੂੰ ਰਿਜੈਕਟ ਕਰ ਦਿੱਤਾ ਸੀ। ਉਨ੍ਹਾਂ ਕਿਹਾ- ਮੈਨੂੰ ਇਹੋ ਜਿਹਾ ਲੱਗਦਾ ਸੀ ਕਿ ਮੈਂ ਕੀ ਲੀਡ ਰੋਲ ਕਰੂੰਗੀ। ਜਦੋਂ ਮੈਨੂੰ ‘ਇਮਲੀ’ ਆਫਰ ਕੀਤੀ ਗਈ ਤਾਂ ਮੈਨੂੰ ਇਸ ਗੱਲ ਦਾ ਪੂਰਾ ਭਰੋਸਾ ਸੀ ਕਿ ਮੈਨੂੰ ਲੀਡ ਰੋਲ ਕਦੇ ਨਹੀਂ ਮਿਲੇਗਾ।
ਜਦੋਂ ਸਾਡਾ ਸੀਰੀਅਲ ਟੀਆਰਪੀ ਚਾਰਟ ਵਿੱਚ ਸਿਖ਼ਰਲੇ ਸਥਾਨ 'ਤੇ ਪਹੁੰਚ ਗਿਆ, ਓਦੋਂ ਹੀ ਸ਼ਾਇਦ ਲੋਕ ਭੁੱਲ ਗਏ ਕਿ ਮੈਂ ਕਿਹੋ ਜਿਹੀ ਦਿਖਦੀ ਹਾਂ। ਸਾਡੇ ਸੀਰੀਅਲ ਨੇ 2.2 ਦੀ ਟੀਆਰਪੀ ਨਾਲ ਸ਼ੁਰੂਆਤ ਕੀਤੀ ਸੀ ਅਤੇ ਇਸ ਤੋਂ ਬਾਅਦ ਸਾਡੇ ਸ਼ੋਅ ਦੀ ਟੀਆਰਪੀ ਸਿਰਫ਼ ਉੱਪਰ ਹੀ ਗਈ।
ਸੁੰਬੁਲ ਨੇ ਦੱਸਿਆ ਕਿ ਜਦੋਂ ਉਨ੍ਹਾਂ ਨੂੰ ਇਸ ਕਿਰਦਾਰ ਲਈ ਚੁਣਿਆ ਗਿਆ ਤਾਂ ਲੋਕ ਉਨ੍ਹਾਂ ਨੂੰ ਕਹਿੰਦੇ ਸਨ, “ਅਰੇ! ਕਿੱਡੀ ਕਾਲੀ ਕੁੜੀ ਨੂੰ ਕਾਸਟ ਕਰ ਲਿਆ ਹੈ।” ਉਨ੍ਹਾਂ ਨੇ ਕਿਹਾ ਕਿ ਮੈਂ ਇਹੋ ਜਿਹੀਆਂ ਗੱਲਾਂ ਸੁਣ ਕੇ ਬਹੁਤ ਰੋਂਦੀ ਸੀ। ਪਰ, ਫਿਰ ਹਾਲਾਤ ਬਦਲਣ ਲੱਗੇ।
ਹਾਲ ਹੀ ਵਿੱਚ ਬਿੱਗ ਬੌਸ 16 ਵਿੱਚ ਸਭ ਦਾ ਦਿਲ ਜਿੱਤਣ ਵਾਲੀ ਅਦਾਕਾਰਾ ਸੁੰਬੁਲ ਤੌਕੀਰ ਖ਼ਾਨ ਨੇ ਸਾਂਝਾ ਕੀਤਾ ਹੈ ਕਿ ਉਨ੍ਹਾਂ ਦੇ ਸਕਿਨ ਕੰਪਲੈਕਸ਼ਨ ਕਾਰਨ ਉਨ੍ਹਾਂ ਨੂੰ ਮੁਸ਼ਕਲਾਂ ਦਾ ਸਾਹਮਣਾ ਕਰਨਾ ਪਿਆ। ਟੀਵੀ ਸੀਰੀਅਲ ‘ਇਮਲੀ’ ਵਿੱਚ ਅਦਾਕਾਰਾ ਨੇ ਇੱਕ ਪਿੰਡ ਵਿੱਚ ਰਹਿਣ ਵਾਲੀ ਕੁੜੀ ਦਾ ਕਿਰਦਾਰ ਨਿਭਾਇਆ ਸੀ।