خبریں تھیں کہ ۲۰۱۳ء کے زمانے میں کیمرون ڈیاز نے دنیا کے امیر ترین شخص ایلن مسک کو بھی ڈیٹ کیا تھا۔ ایسی افواہ تھی کہ کیمرون نے مسک کی کمپنی ٹیسلا موٹرز سے ایک گاڑی خریدی، اسی سلسلے میں دونوں کی ملاقات ہوئی تھی۔
کیمرون کی پیدائش امریکہ کے کیلیفورنیا میں ہوئی۔ انہوں نے 16 سال کی عمر میں ہی ماڈلنگ کا آغاز کر دیا تھا۔ جب وہ 17 سال کی تھیں تو "سیونٹین" (1990) میگزین کے شمارے کی کور گرل بنیں۔ انہوں نے ماڈل کے طور پر 2 سے 3 ماہ کام کیا۔
کیمرون ڈیاز کے قریبی ذریعے نے بتایا ہے کہ اداکارہ سیٹ پر ہونے والے ڈراموں سے اکتا چکی تھیں۔ اب انہیں کسی کو کچھ ثابت کرنے کی بھی ضرورت نہیں ہے۔ انہوں نے جتنا کام کرنا تھا، اتنا کر لیا ہے۔ وہ فلم انڈسٹری کو اپنا کافی وقت دے چکی ہیں۔
ایک زمانے میں ہالی ووڈ کی سب سے زیادہ معاوضہ لینے والی اداکاراوں میں شامل کیمرون ڈیاز نے اداکاری سے کنارہ کشی اختیار کر لی ہے۔ خبر ہے کہ اپنے آخری پروجیکٹ کے بعد وہ کسی فلم میں کام نہیں کریں گی۔