સેમસંગનું Galaxy Unpacked 2026 ઇવેન્ટ આજે 25 ફેબ્રુઆરીએ રાત્રે 11.30 વાગ્યે સાન ફ્રાન્સિસ્કોથી યોજાશે, જેમાં Galaxy S26 સિરીઝ અને Galaxy Buds 4 સિરીઝ લોન્ચ કરવામાં આવશે. ઇવેન્ટ કંપનીની સત્તાવાર વેબસાઇટ અને યુટ્યુબ ચેનલ પર લાઇવ પ્રસારિત થશે.
Galaxy S26 સિરીઝમાં Galaxy S26, S26 Plus અને S26 Ultra મોડેલ્સનો સમાવેશ થશે. નવા સ્માર્ટફોન હલકા ડિઝાઇન અને અપગ્રેડેડ કેમેરા સાથે રજૂ કરવામાં આવશે. S26 Ultraમાં પ્રાઇવસી ડિસ્પ્લે સુવિધા સામેલ રહેશે, જે વપરાશકર્તાઓને વધુ સુરક્ષા અને વ્યક્તિગત ડેટા પ્રોટેક્શન પ્રદાન કરશે. કંપનીના નિષ્ણાતોના જણાવ્યા મુજબ, S26 સિરીઝમાં ફોટોગ્રાફી અને મલ્ટીટાસ્કિંગ માટે નવી ટેક્નોલોજી ઉમેરવામાં આવી છે.
ઇવેન્ટ દરમિયાન Galaxy Buds 4 અને Buds 4 Pro પણ લોન્ચ કરવામાં આવશે. નવા મોડેલ્સમાં મેટલ સ્ટ્રિપ ડિઝાઇન અને એર્ગોનોમિક સિલિકોન ઇયરટિપ્સ આપવામાં આવશે.
Galaxy Unpacked 2026માં કેમેરા અને ફોટોગ્રાફી સંબંધિત સ્માર્ટ AI ટૂલ્સ સહિત નવા AI ફીચર્સ રજૂ કરવામાં આવશે. ટેક નિષ્ણાતોના જણાવ્યા મુજબ, AI ઇન્ટિગ્રેશન સ્માર્ટફોન ઉદ્યોગ માટે નવી દિશા દર્શાવી શકે છે.
