ਇੰਸਟੀਟਿਊਟ ਆਫ਼ ਚਾਰਟਰਡ ਅਕਾਊਂਟੈਂਟਸ ਆਫ਼ ਇੰਡੀਆ (ICAI) ਨੇ ਅੱਜ, 4 ਮਾਰਚ 2025 ਨੂੰ, ਸੀਏ ਇੰਟਰਮੀਡੀਏਟ ਜਨਵਰੀ ਪ੍ਰੀਖਿਆ ਦੇ ਨਤੀਜੇ ਐਲਾਨ ਕਰ ਦਿੱਤੇ ਹਨ। ਇਸ ਵਾਰੀ ਉੱਤਰ ਪ੍ਰਦੇਸ਼ ਦੀ ਦੀਪਾਂਸ਼ੀ ਅਗਰਵਾਲ ਨੇ 521 ਅੰਕਾਂ ਨਾਲ ਆਲ ਇੰਡੀਆ ਟੌਪ ਕੀਤਾ ਹੈ।
ਪੜ੍ਹਾਈ: ਇੰਸਟੀਟਿਊਟ ਆਫ਼ ਚਾਰਟਰਡ ਅਕਾਊਂਟੈਂਟਸ ਆਫ਼ ਇੰਡੀਆ (ICAI) ਨੇ ਅੱਜ, 4 ਮਾਰਚ 2025 ਨੂੰ, ਸੀਏ ਇੰਟਰਮੀਡੀਏਟ ਜਨਵਰੀ ਪ੍ਰੀਖਿਆ ਦੇ ਨਤੀਜੇ ਐਲਾਨ ਕਰ ਦਿੱਤੇ ਹਨ। ਇਸ ਵਾਰੀ ਉੱਤਰ ਪ੍ਰਦੇਸ਼ ਦੀ ਦੀਪਾਂਸ਼ੀ ਅਗਰਵਾਲ ਨੇ 521 ਅੰਕਾਂ ਨਾਲ ਆਲ ਇੰਡੀਆ ਟੌਪ ਕੀਤਾ ਹੈ। ਉਹਨਾਂ ਦੇ ਬਾਅਦ ਆਂਧਰਾ ਪ੍ਰਦੇਸ਼ ਦੇ ਥੋਟਾ ਸੋਮਾਨੰਧ ਸ਼ੇਸ਼ਾਦਰੀ ਨਾਇਡੂ ਨੇ 516 ਅੰਕਾਂ ਨਾਲ ਦੂਜਾ ਸਥਾਨ ਪ੍ਰਾਪਤ ਕੀਤਾ, ਜਦਕਿ ਤੀਜੇ ਸਥਾਨ 'ਤੇ 515 ਅੰਕਾਂ ਨਾਲ ਦਿੱਲੀ ਦੇ ਸਾਰਥਕ ਅਗਰਵਾਲ ਰਹੇ।
ਇਸ ਵਾਰ ਸੀਏ ਇੰਟਰ ਪ੍ਰੀਖਿਆ ਵਿੱਚ ਦੋਨੋਂ ਗਰੁੱਪਾਂ ਨੂੰ ਮਿਲਾ ਕੇ ਕੁੱਲ 14.05% ਵਿਦਿਆਰਥੀ ਸਫਲ ਹੋਏ ਹਨ। ਗਰੁੱਪ I ਦਾ ਪਾਸ ਪ੍ਰਤੀਸ਼ਤ 14.17% ਅਤੇ ਗਰੁੱਪ II ਦਾ 22.16% ਰਿਹਾ। ਪ੍ਰੀਖਿਆ 11 ਜਨਵਰੀ ਤੋਂ 21 ਜਨਵਰੀ 2025 ਦੇ ਵਿਚਕਾਰ ਆਯੋਜਿਤ ਕੀਤੀ ਗਈ ਸੀ।
ਸੀਏ ਇੰਟਰ ਟੌਪਰਜ਼ ਲਿਸਟ (ਜਨਵਰੀ 2025 ਸੈਸ਼ਨ)
ਦੀਪਾਂਸ਼ੀ ਅਗਰਵਾਲ – 521 ਅੰਕ (AIR 1)
ਥੋਟਾ ਸੋਮਾਨੰਧ ਸ਼ੇਸ਼ਾਦਰੀ ਨਾਇਡੂ – 516 ਅੰਕ (AIR 2)
ਸਾਰਥਕ ਅਗਰਵਾਲ – 515 ਅੰਕ (AIR 3)
ਮਈ 2025 ਵਿੱਚ ਹੋਵੇਗੀ ਅਗਲੀ ਪ੍ਰੀਖਿਆ
ICAI ਨੇ ਮਈ 2025 ਵਿੱਚ ਹੋਣ ਵਾਲੀਆਂ ਸੀਏ ਪ੍ਰੀਖਿਆਵਾਂ ਦੀਆਂ ਤਰੀਕਾਂ ਵੀ ਜਾਰੀ ਕਰ ਦਿੱਤੀਆਂ ਹਨ।
ਸੀਏ ਫਾਊਂਡੇਸ਼ਨ ਪ੍ਰੀਖਿਆ – 15, 17, 19 ਅਤੇ 21 ਮਈ 2025
ਸੀਏ ਇੰਟਰਮੀਡੀਏਟ ਗਰੁੱਪ I – 3, 5 ਅਤੇ 7 ਮਈ 2025
ਸੀਏ ਇੰਟਰਮੀਡੀਏਟ ਗਰੁੱਪ II – 9, 11 ਅਤੇ 14 ਮਈ 2025
ਜੋ ਵਿਦਿਆਰਥੀ ਸੀਏ ਇੰਟਰ ਪ੍ਰੀਖਿਆ ਵਿੱਚ ਸਫਲ ਹੋਏ ਹਨ, ਉਹ ਹੁਣ ਸੀਏ ਫਾਈਨਲ ਕੋਰਸ ਵਿੱਚ ਦਾਖਲਾ ਲੈ ਸਕਦੇ ਹਨ। ਜ਼ਿਆਦਾ ਜਾਣਕਾਰੀ ਲਈ ਵਿਦਿਆਰਥੀ ICAI ਦੀ ਅਧਿਕਾਰਤ ਵੈੱਬਸਾਈਟ 'ਤੇ ਜਾ ਸਕਦੇ ਹਨ।
