ਪਿਛਲੇ ਸਾਲ CISCE ਨੇ 10ਵੀਂ ਤੇ 12ਵੀਂ ਦਾ ਨਤੀਜਾ 6 ਮਈ ਨੂੰ ਜਾਰੀ ਕੀਤਾ ਸੀ, ਉਮੀਦ ਹੈ ਇਸ ਸਾਲ ਵੀ ਮਈ ਦੇ ਪਹਿਲੇ ਹਫ਼ਤੇ ਦੋਨੋਂ ਕਲਾਸਾਂ ਦਾ ਨਤੀਜਾ ਆ ਜਾਵੇਗਾ।
ICSE ISC Result 2025: ਜੇਕਰ ਤੁਸੀਂ ICSE (10ਵੀਂ) ਜਾਂ ISC (12ਵੀਂ) ਪ੍ਰੀਖਿਆ 2025 ਵਿੱਚ ਸ਼ਾਮਿਲ ਹੋਏ ਹੋ, ਤਾਂ ਤੁਹਾਡੇ ਲਈ ਰਾਹਤ ਭਰੀ ਖ਼ਬਰ ਆ ਸਕਦੀ ਹੈ! CISCE (Council for the Indian School Certificate Examinations) ਜਲਦੀ ਹੀ ਕਲਾਸ 10 ਤੇ 12 ਦੇ ਨਤੀਜੇ ਐਲਾਨ ਕਰਨ ਵਾਲਾ ਹੈ।
ਹਾਲਾਂਕਿ ਹਾਲੇ ਤੱਕ ਅਧਿਕਾਰਤ ਨਤੀਜੇ ਦੀ ਤਾਰੀਖ਼ ਦਾ ਐਲਾਨ ਨਹੀਂ ਹੋਇਆ, ਪਰ ਪਿਛਲੇ ਸਾਲ ਵਾਂਗ ਇਸ ਵਾਰ ਵੀ ਮਈ ਦੇ ਪਹਿਲੇ ਹਫ਼ਤੇ ਵਿੱਚ ਨਤੀਜੇ ਆਉਣ ਦੀ ਪੂਰੀ ਸੰਭਾਵਨਾ ਹੈ। ਪਿਛਲੇ ਸਾਲ 6 ਮਈ ਨੂੰ ਦੋਨੋਂ ਕਲਾਸਾਂ ਦੇ ਨਤੀਜੇ ਇੱਕੋ ਸਮੇਂ ਜਾਰੀ ਕੀਤੇ ਗਏ ਸਨ।
ICSE ISC Board Exam 2025 – Exam Dates
ICSE (Class 10th) ਪ੍ਰੀਖਿਆ: 18 ਫਰਵਰੀ ਤੋਂ 27 ਮਾਰਚ 2025 ਤੱਕ
ISC (Class 12th) ਪ੍ਰੀਖਿਆ: 13 ਫਰਵਰੀ ਤੋਂ 5 ਅਪ੍ਰੈਲ 2025 ਤੱਕ
ਹੁਣ ਲੱਖਾਂ ਵਿਦਿਆਰਥੀ CISCE Result 2025 ਦਾ ਬੇਸਬਰੀ ਨਾਲ ਇੰਤਜ਼ਾਰ ਕਰ ਰਹੇ ਹਨ।
ਕਿੱਥੇ ਤੇ ਕਿਵੇਂ ਚੈੱਕ ਕਰੋ ICSE ISC Result 2025?
ਨਤੀਜਾ ਜਾਰੀ ਹੋਣ ਤੋਂ ਬਾਅਦ ਵਿਦਿਆਰਥੀ ਹੇਠਾਂ ਦਿੱਤੇ ਕਦਮਾਂ ਨੂੰ ਫ਼ਾਲੋ ਕਰਕੇ ਆਸਾਨੀ ਨਾਲ ਆਪਣਾ ਨਤੀਜਾ ਚੈੱਕ ਕਰ ਸਕਦੇ ਹਨ:
- ਸਭ ਤੋਂ ਪਹਿਲਾਂ CISCE ਦੀ ਅਧਿਕਾਰਤ ਵੈੱਬਸਾਈਟ cisce.org ਤੇ ਜਾਓ।
- ਹੋਮ ਪੇਜ ਤੇ ਆਪਣੀ ਕਲਾਸ (ICSE ਜਾਂ ISC) ਦੇ ਨਤੀਜੇ ਦੇ ਲਿੰਕ ਤੇ ਕਲਿੱਕ ਕਰੋ।
- ਹੁਣ ਆਪਣਾ ਯੂਨੀਕ ID/ਇੰਡੈਕਸ ਨੰਬਰ ਪਾਓ ਤੇ Captcha Code ਭਰੋ।
- “Submit” ਬਟਨ ਤੇ ਕਲਿੱਕ ਕਰੋ।
- ਸਕਰੀਨ ਤੇ ਤੁਹਾਡਾ ਨਤੀਜਾ ਤੇ ਮਾਰਕਸ਼ੀਟ ਦਿਖਾਈ ਦੇਵੇਗਾ ਜਿਸਨੂੰ ਤੁਸੀਂ ਡਾਊਨਲੋਡ ਤੇ ਪ੍ਰਿੰਟ ਕਰ ਸਕਦੇ ਹੋ।
- ਧਿਆਨ ਦਿਓ: ਨਤੀਜਾ ਸਿਰਫ਼ ਔਨਲਾਈਨ ਹੀ ਮਿਲੇਗਾ, ਨਿੱਜੀ ਤੌਰ 'ਤੇ ਕਿਸੇ ਨੂੰ ਨਹੀਂ ਭੇਜਿਆ ਜਾਵੇਗਾ।
ਕਮ ਮਾਰਕਸ ਆਏ ਤਾਂ ਕੀ ਕਰੋ?
ਜੇਕਰ ਤੁਹਾਨੂੰ ਕਿਸੇ ਵਿਸ਼ੇ ਵਿੱਚ ਨੰਬਰ ਉਮੀਦ ਤੋਂ ਘੱਟ ਲੱਗਦੇ ਹਨ, ਤਾਂ ਤੁਸੀਂ ਰੀਚੈੱਕ ਜਾਂ ਰੀ-ਇਵੈਲੂਏਸ਼ਨ ਲਈ ਅਰਜ਼ੀ ਦੇ ਸਕਦੇ ਹੋ।
ਇਸ ਤੋਂ ਇਲਾਵਾ ਜੇਕਰ ਕੋਈ ਵਿਦਿਆਰਥੀ ਫੇਲ ਹੁੰਦਾ ਹੈ, ਤਾਂ ਉਸਨੂੰ ਸਾਲ ਖਰਾਬ ਨਹੀਂ ਕਰਨਾ ਪਵੇਗਾ—ਉਹ ਇੰਪ੍ਰੂਵਮੈਂਟ ਪ੍ਰੀਖਿਆ ਵਿੱਚ ਸ਼ਾਮਿਲ ਹੋ ਕੇ ਦੁਬਾਰਾ ਪਾਸ ਹੋਣ ਦਾ ਮੌਕਾ ਪ੍ਰਾਪਤ ਕਰ ਸਕਦਾ ਹੈ।
ਪਿਛਲੇ ਸਾਲ ਦਾ ਨਤੀਜਾ ਕਿਹੋ ਜਿਹਾ ਰਿਹਾ?
ICSE (10ਵੀਂ) ਪਾਸ ਪ੍ਰਤੀਸ਼ਤ: 99.47%
ISC (12ਵੀਂ) ਪਾਸ ਪ੍ਰਤੀਸ਼ਤ: 98.19%
ਲੜਕੀਆਂ ਨੇ ਬਾਜ਼ੀ ਮਾਰੀ ਸੀ:
10ਵੀਂ ਵਿੱਚ: ਲੜਕੀਆਂ 99.65%, ਲੜਕੇ 99.31%
12ਵੀਂ ਵਿੱਚ: ਲੜਕੀਆਂ 98.92%, ਲੜਕੇ 97.53%
