ਬਾਲੀਵੁੱਡ ਅਦਾਕਾਰਾ ਜਾਨ੍ਹਵੀ ਕਪੂਰ (Janhvi Kapoor) ਇਨ੍ਹੀਂ ਦਿਨੀਂ ਲਗਾਤਾਰ ਸੁਰਖੀਆਂ ਵਿੱਚ ਹੈ। ਹਾਲ ਹੀ ਵਿੱਚ ਉਸਦੀ ਫਿਲਮ ‘ਪਰਮ ਸੁੰਦਰੀ’ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ ਹੈ ਅਤੇ ਹੁਣ ਉਹ ਜਲਦ ਹੀ ‘ਸਨੀ ਸੰਸਕਾਰੀ ਕੀ ਤੁਲਸੀ ਕੁਮਾਰੀ’ ਵਿੱਚ ਨਜ਼ਰ ਆਉਣ ਵਾਲੀ ਹੈ।
ਐਂਟਰਟੇਨਮੈਂਟ: ਬਾਲੀਵੁੱਡ ਦੀ ਸਟਾਰ ਕਿੱਡ ਜਾਨ੍ਹਵੀ ਕਪੂਰ ਕੋਲ ਪ੍ਰੋਜੈਕਟਸ ਦੀ ਕੋਈ ਕਮੀ ਨਹੀਂ ਹੈ। 29 ਅਗਸਤ ਨੂੰ ਉਸਦੀ ਫਿਲਮ ਪਰਮ ਸੁੰਦਰੀ ਸਿਨੇਮਾਘਰਾਂ ਵਿੱਚ ਰਿਲੀਜ਼ ਹੋਈ, ਜੋ ਫਿਲਹਾਲ ਠੀਕ-ਠਾਕ ਕਾਰੋਬਾਰ ਕਰ ਰਹੀ ਹੈ। ਇਸ ਤੋਂ ਬਾਅਦ ਉਸਦੀ ਅਗਲੀ ਫਿਲਮ ਸਨੀ ਸੰਸਕਾਰੀ ਕੀ ਤੁਲਸੀ ਕੁਮਾਰੀ ਥੀਏਟਰ ਵਿੱਚ ਰਿਲੀਜ਼ ਹੋਣ ਵਾਲੀ ਹੈ। ਇਨ੍ਹਾਂ ਦੋਵਾਂ ਵੱਡੀਆਂ ਫਿਲਮਾਂ ਦੇ ਵਿਚਾਲੇ ਹੁਣ ਜਾਨ੍ਹਵੀ ਦੇ ਹੱਥ ਇੱਕ ਅਜਿਹਾ ਪ੍ਰੋਜੈਕਟ ਲੱਗਾ ਹੈ, ਜਿਸਨੂੰ ਕਰਨਾ ਕਿਸੇ ਵੀ ਸਟਾਰ ਕਿੱਡ ਦਾ ਸੁਪਨਾ ਹੁੰਦਾ ਹੈ। ਰਿਪੋਰਟਾਂ ਮੁਤਾਬਿਕ, ਜਾਨ੍ਹਵੀ ਜਲਦ ਹੀ ਆਪਣੀ ਮਾਂ ਸ਼੍ਰੀਦੇਵੀ ਦੀ 36 ਸਾਲ ਪਹਿਲਾਂ ਆਈ ਪਾਪੂਲਰ ਫਿਲਮ ਦੇ ਰੀਮੇਕ ਵਿੱਚ ਨਜ਼ਰ ਆ ਸਕਦੀ ਹੈ।
ਜਾਨ੍ਹਵੀ ਕਪੂਰ ਨੂੰ ਮਿਲੇਗਾ ਡਬਲ ਰੋਲ
ਜਾਨ੍ਹਵੀ ਹੁਣ ਤੱਕ ਪਰਦੇ 'ਤੇ ਕਈ ਤਰ੍ਹਾਂ ਦੇ ਕਿਰਦਾਰ ਨਿਭਾ ਚੁੱਕੀ ਹੈ – ਗਲੈਮਰਸ ਲੁੱਕ ਤੋਂ ਲੈ ਕੇ ਸਾਦਗੀ ਭਰੇ ਕਿਰਦਾਰ ਤੱਕ। ਪਰ ਇਸ ਵਾਰ ਉਸਦੀ ਚੁਣੌਤੀ ਦੁਗਣੀ ਹੋਣ ਵਾਲੀ ਹੈ ਕਿਉਂਕਿ ਉਸਨੂੰ ਫਿਲਮ ‘ਚਾਲਬਾਜ਼’ ਵਿੱਚ ਆਪਣੀ ਮਾਂ ਵਾਂਗ ਡਬਲ ਰੋਲ ਨਿਭਾਉਣਾ ਪੈ ਸਕਦਾ ਹੈ। 1989 ਵਿੱਚ ਰਿਲੀਜ਼ ਹੋਈ ਇਸ ਫਿਲਮ ਵਿੱਚ ਸ਼੍ਰੀਦੇਵੀ ਨੇ ‘ਅੰਜੂ’ ਅਤੇ ‘ਮੰਜੂ’ ਦਾ ਕਿਰਦਾਰ ਨਿਭਾ ਕੇ ਦਰਸ਼ਕਾਂ ਦਾ ਦਿਲ ਜਿੱਤ ਲਿਆ ਸੀ। ਜੇਕਰ ਰੀਮੇਕ ਕਨਫਰਮ ਹੁੰਦਾ ਹੈ, ਤਾਂ ਜਾਨ੍ਹਵੀ ਲਈ ਇਹ ਸਿਰਫ ਇੱਕ ਫਿਲਮ ਨਹੀਂ, ਬਲਕਿ ਮਾਂ ਨੂੰ ਸ਼ਰਧਾਂਜਲੀ ਦੇਣ ਵਰਗਾ ਮੌਕਾ ਹੋਵੇਗਾ।
ਰਿਪੋਰਟਾਂ ਮੁਤਾਬਿਕ, ਜਦੋਂ ਜਾਨ੍ਹਵੀ ਨੂੰ ਇਹ ਆਫਰ ਮਿਲਿਆ ਤਾਂ ਉਸਨੇ ਬਿਨਾਂ ਦੇਰੀ ਕੀਤੇ ਇਸਨੂੰ ਹੱਥੋਂ-ਹੱਥ ਲੈ ਲਿਆ। ਉਸਦੇ ਲਈ ਇਹ ਪ੍ਰੋਜੈਕਟ ਸਿਰਫ ਇੱਕ ਫਿਲਮ ਨਹੀਂ, ਬਲਕਿ ਮਾਂ ਨਾਲ ਜੁੜਿਆ ਹੋਇਆ ਇੱਕ ਇਮੋਸ਼ਨ ਹੈ। ਹਾਲਾਂਕਿ, ਉਹ ਇਸ ਰੋਲ ਨੂੰ ਨਿਭਾਉਣ ਨੂੰ ਲੈ ਕੇ ਕਾਫੀ ਸਾਵਧਾਨ ਵੀ ਹੈ ਕਿਉਂਕਿ ਉਸਨੂੰ ਪਤਾ ਹੈ ਕਿ ਇਸ ਕਿਰਦਾਰ ਦੀ ਤੁਲਨਾ ਸਿੱਧੇ-ਸਿੱਧੇ ਸ਼੍ਰੀਦੇਵੀ ਨਾਲ ਕੀਤੀ ਜਾਵੇਗੀ।
ਦੱਸਿਆ ਜਾ ਰਿਹਾ ਹੈ ਕਿ ਜਾਨ੍ਹਵੀ ਇਸ ਸਮੇਂ ਆਪਣੀ ਟੀਮ ਅਤੇ ਕਰੀਬੀ ਲੋਕਾਂ ਤੋਂ ਰਾਏ ਲੈ ਰਹੀ ਹੈ ਅਤੇ ਸਤੰਬਰ ਦੇ ਅਖੀਰ ਤੱਕ ਇਹ ਤੈਅ ਕਰੇਗੀ ਕਿ ਉਹ ਫਿਲਮ ਸਾਈਨ ਕਰੇਗੀ ਜਾਂ ਨਹੀਂ।
ਸ਼੍ਰੀਦੇਵੀ ਦੀ ਆਈਕੋਨਿਕ ਫਿਲਮ ‘ਚਾਲਬਾਜ਼’
- ‘ਚਾਲਬਾਜ਼’ 8 ਦਸੰਬਰ 1989 ਨੂੰ ਰਿਲੀਜ਼ ਹੋਈ ਸੀ ਅਤੇ ਇਹ ਸ਼੍ਰੀਦੇਵੀ ਦੀਆਂ ਸਭ ਤੋਂ ਯਾਦਗਾਰ ਫਿਲਮਾਂ ਵਿੱਚੋਂ ਇੱਕ ਹੈ।
- ਫਿਲਮ ਦਾ ਨਿਰਦੇਸ਼ਨ ਪੰਕਜ ਪਰਾਸ਼ਰ ਨੇ ਕੀਤਾ ਸੀ।
- ਸ਼੍ਰੀਦੇਵੀ ਨਾਲ ਫਿਲਮ ਵਿੱਚ ਰਜਨੀਕਾਂਤ ਅਤੇ ਸੰਨੀ ਦਿਓਲ ਲੀਡ ਰੋਲ ਵਿੱਚ ਸਨ।
- ਅਨੁਪਮ ਖੇਰ, ਸ਼ਕਤੀ ਕਪੂਰ, ਅੰਨੂ ਕਪੂਰ, ਸਈਦ ਜਾਫਰੀ, ਅਰੁਣਾ ਈਰਾਨੀ ਅਤੇ ਰੋਹਿਣੀ ਹੱਟਾਂਗੜੀ ਨੇ ਵੀ ਅਹਿਮ ਭੂਮਿਕਾਵਾਂ ਨਿਭਾਈਆਂ ਸਨ।
- ਫਿਲਮ ਦੇ ਗਾਣੇ ਜਿਵੇਂ “ਨਾ ਜਾਣੇ ਕਹਾਂ ਸੇ ਆਇਆ ਹੈ” ਅਤੇ “ਕਿਸੀ ਕੇ ਹਾਥ ਨਾ ਆਏਗੀ ਯੇ ਲੜਕੀ” ਅੱਜ ਵੀ ਦਰਸ਼ਕਾਂ ਨੂੰ ਯਾਦ ਹਨ।
- ਬਾਕਸ ਆਫਿਸ 'ਤੇ ਇਸ ਫਿਲਮ ਨੇ ਲਗਭਗ 15 ਕਰੋੜ ਰੁਪਏ ਕਮਾਏ ਸਨ, ਜੋ ਉਸ ਦੌਰ ਦੇ ਹਿਸਾਬ ਨਾਲ ਵੱਡੀ ਕਮਾਈ ਸੀ।
ਸ਼੍ਰੀਦੇਵੀ ਦੀ ਡਬਲ ਰੋਲ ਵਾਲੀ ਇਹ ਫਿਲਮ ਉਸਦੇ ਕਰੀਅਰ ਦਾ ਟਰਨਿੰਗ ਪੁਆਇੰਟ ਸਾਬਤ ਹੋਈ ਸੀ ਅਤੇ ਉਸਨੂੰ ਬਾਲੀਵੁੱਡ ਦੀ ‘ਡਬਲ ਰੋਲ ਕੁਈਨ’ ਦਾ ਖਿਤਾਬ ਦਿਲਵਾਇਆ ਸੀ। ਜਾਨ੍ਹਵੀ ਕਪੂਰ ਦੇ ਸਾਹਮਣੇ ਸਭ ਤੋਂ ਵੱਡੀ ਚੁਣੌਤੀ ਇਹ ਹੋਵੇਗੀ ਕਿ ਉਹ ਆਪਣੀ ਮਾਂ ਦੇ ਸ਼ਾਨਦਾਰ ਪ੍ਰਦਰਸ਼ਨ ਦੀ ਬਰਾਬਰੀ ਕਿਵੇਂ ਕਰੇਗੀ। ਹਾਲਾਂਕਿ, ਉਹ ਇਸ ਗੱਲ ਨੂੰ ਚੰਗੀ ਤਰ੍ਹਾਂ ਸਮਝਦੀ ਹੈ ਅਤੇ ਇਸੇ ਵਜ੍ਹਾ ਕਰਕੇ ਪ੍ਰੋਜੈਕਟ ਨੂੰ ਲੈ ਕੇ ਸਾਵਧਾਨੀ ਵਰਤ ਰਹੀ ਹੈ।
