ਪਾਕਿਸਤਾਨ ਸੁਪਰ ਲੀਗ 2026 ਦਾ ਆਗਾਜ਼ 26 ਮਾਰਚ ਤੋਂ ਹੋ ਗਿਆ ਹੈ। ਪਹਿਲੇ ਮੈਚ ਵਿੱਚ ਲਾਹੌਰ ਕਲੰਦਰਨੇ ਹੈਦਰਾਬਾਦ ਕਿੰਗਜ਼ਮੈਨ ਨੂੰ 69 ਰਨਾਂ ਨਾਲ ਹਰਾਇਆ।
ਪਹਿਲੇ ਮੈਚ ਵਿੱਚ ਅਜੀਬ ਘਟਨਾ
ਪਹਿਲਾ ਮੁਕਾਬਲਾ ਹੈਦਰਾਬਾਦ ਕਿੰਗਜ਼ਮੈਨ ਅਤੇ ਲਾਹੌਰ ਕਲੰਦਰਾਂ ਵਿਚਕਾਰ ਖੇਡਿਆ ਗਿਆ। ਮੈਚ ਦੌਰਾਨ ਜਦੋਂ ਹੈਦਰਾਬਾਦ ਦੀ ਟੀਮ ਗੇਂਦਬਾਜ਼ੀ ਕਰ ਰਹੀ ਸੀ, ਤਾਂ ਟੀ20 ਫਾਰਮੈਟ ਵਿੱਚ ਵਰਤੀ ਜਾਣ ਵਾਲੀ ਸਫੈਦ ਗੇਂਦ ਅਚਾਨਕ ਗੁਲਾਬੀ ਰੰਗ ਵਿੱਚ ਬਦਲ ਗਈ।
ਇਸ ਅਸਧਾਰਣ ਘਟਨਾ ਤੋਂ ਬਾਅਦ ਹੈਦਰਾਬਾਦ ਦੇ ਗੇਂਦਬਾਜ਼ਾਂ ਨੇ ਅੰਪਾਇਰਾਂ ਕੋਲ ਸ਼ਿਕਾਇਤ ਕੀਤੀ ਅਤੇ ਮਾਮਲੇ ਦੀ ਜਾਂਚ ਕੀਤੀ ਗਈ। ਜਾਂਚ ਵਿੱਚ ਪਤਾ ਲੱਗਾ ਕਿ ਗੇਂਦ 'ਤੇ ਰੰਗ ਜਰਸੀ ਤੋਂ ਲੱਗਿਆ ਸੀ। ਹੈਦਰਾਬਾਦ ਕਿੰਗਜ਼ਮੈਨ ਦੀ ਜਰਸੀ ਦੀ ਗੁਣਵੱਤਾ ਕਮਜ਼ੋਰ ਹੋਣ ਕਾਰਨ ਮੈਚ ਦੌਰਾਨ ਉਸਦਾ ਰੰਗ ਛੁੱਟ ਕੇ ਗੇਂਦ 'ਤੇ ਲੱਗ ਗਿਆ।
ਕਪਤਾਨ ਦਾ ਬਿਆਨ
ਮੈਚ ਤੋਂ ਬਾਅਦ ਹੈਦਰਾਬਾਦ ਕਿੰਗਜ਼ਮੈਨ ਦੇ ਕਪਤਾਨ ਮਾਰਨਸ ਲਾਬੁਸ਼ੇਨ ਨੇ ਕਿਹਾ, "ਦੂਜੇ ਓਵਰ ਤੋਂ ਬਾਅਦ ਮੈਂ ਅੰਪਾਇਰਾਂ ਨੂੰ ਪੁੱਛਿਆ ਕਿ ਇਹ ਕੀ ਹੋ ਰਿਹਾ ਹੈ? ਗੇਂਦ ਅਚਾਨਕ ਲਾਲ ਹੋ ਗਈ। ਮੈਂ ਪਹਿਲਾਂ ਕਦੇ ਅਜਿਹਾ ਨਹੀਂ ਦੇਖਿਆ। ਉਮੀਦ ਹੈ ਕਿ ਅਗਲੇ ਮੈਚ ਤੱਕ ਇਹ ਸਮੱਸਿਆ ਹੱਲ ਹੋ ਜਾਵੇਗੀ।"
ਲਾਹੌਰ ਦੀ ਜਿੱਤ
ਪਹਿਲੇ ਮੈਚ ਵਿੱਚ ਲਾਹੌਰ ਕਲੰਦਰਾਂ ਨੇ ਸ਼ਾਹੀਨ ਸ਼ਾਹ ਅਫਰੀਦੀ ਦੀ ਕਪਤਾਨੀ ਹੇਠ 20 ਓਵਰਾਂ ਵਿੱਚ 199 ਰਨ ਬਣਾਏ। ਟੀਮ ਲਈ ਫਖਰ ਜ਼ਮਾਨ ਨੇ ਅਰਧਸ਼ਤਕ ਲਗਾਇਆ।
ਜਵਾਬ ਵਿੱਚ ਹੈਦਰਾਬਾਦ ਕਿੰਗਜ਼ਮੈਨ ਦੀ ਟੀਮ 20 ਓਵਰਾਂ ਵਿੱਚ 130 ਰਨਾਂ 'ਤੇ ਆਉਟ ਹੋ ਗਈ। ਇਸ ਤਰ੍ਹਾਂ ਲਾਹੌਰ ਕਲੰਦਰਾਂ ਨੇ 69 ਰਨਾਂ ਨਾਲ ਜਿੱਤ ਦਰਜ ਕੀਤੀ।
