ਸ਼੍ਰੀਲੰਕਾ ਨੇ ਆਈਸੀਸੀ ਟੀ20 ਵਰਲਡ ਕਪ 2026 ਵਿੱਚ ਆਸਟ੍ਰੇਲੀਆ ਨੂੰ 8 ਵਿਕਟਾਂ ਨਾਲ ਹਰਾਕੇ ਗਰੁੱਪ ਬੀ ਤੋਂ ਸੁਪਰ–8 ਚਰਨ ਲਈ ਆਪਣੀ ਜਗ੍ਹਾ ਪੱਕੀ ਕਰ ਲਈ ਹੈ, ਜਦਕਿ ਆਸਟ੍ਰੇਲੀਆ ਨੂੰ ਲਗਾਤਾਰ ਦੂਜੀ ਹਾਰ ਮਿਲੀ ਹੈ। 182 ਦੌੜਾਂ ਦਾ ਟਾਰਗੇਟ ਸ਼੍ਰੀਲੰਕਾ ਨੇ 18 ਓਵਰਾਂ ਵਿੱਚ ਹਾਸਲ ਕਰ ਲਿਆ।
ਪਥੁਮ ਨਿਸਾਂਕਾ ਨੇ 52 ਗੇਂਦਾਂ ਵਿੱਚ ਨਾਬਾਦ 100 ਦੌੜਾਂ ਬਣਾਈਆਂ, ਜਿਸ ਵਿੱਚ 10 ਚੌਕੇ ਅਤੇ 5 ਛੱਕੇ ਸ਼ਾਮਲ ਸਨ। ਇਹ ਟੀ20 ਵਰਲਡ ਕਪ 2026 ਦਾ ਪਹਿਲਾ ਸੈਂਚਰੀ ਹੈ। ਕੁਸਲ ਮੇਂਡਿਸ ਨੇ 38 ਗੇਂਦਾਂ ਵਿੱਚ 51 ਦੌੜਾਂ ਬਣਾਈਆਂ। ਪਵਨ ਰਤਨਾਇਕੇ ਨੇ 15 ਗੇਂਦਾਂ ਵਿੱਚ ਨਾਬਾਦ 28 ਦੌੜਾਂ ਜੋੜੀਆਂ।
ਇਹ ਘਰੇਲੂ ਮੈਦਾਨ ’ਤੇ ਸ਼੍ਰੀਲੰਕਾ ਦਾ ਟੀ20 ਅੰਤਰਰਾਸ਼ਟਰੀ ਕ੍ਰਿਕਟ ਵਿੱਚ ਸਭ ਤੋਂ ਵੱਡਾ ਰਨ ਚੇਜ਼ ਹੈ। ਆਸਟ੍ਰੇਲੀਆ ਵੱਲੋਂ ਮਾਰਕਸ ਸਟੋਇਨਿਸ ਨੇ 2 ਵਿਕਟਾਂ ਲਈਆਂ।
ਪੱਲੇਕੇਲੇ ਇੰਟਰਨੈਸ਼ਨਲ ਕ੍ਰਿਕਟ ਸਟੇਡੀਅਮ ਵਿੱਚ ਆਸਟ੍ਰੇਲੀਆ ਨੇ ਪਹਿਲਾਂ ਬੱਲੇਬਾਜ਼ੀ ਕਰਦੇ ਹੋਏ 20 ਓਵਰਾਂ ਵਿੱਚ 181 ਦੌੜਾਂ ਬਣਾਈਆਂ। ਟ੍ਰੇਵਿਸ ਹੈੱਡ ਅਤੇ ਕਪਤਾਨ ਮਿਚੇਲ ਮਾਰਸ਼ ਨੇ ਪਹਿਲੀ ਵਿਕਟ ਲਈ 51 ਗੇਂਦਾਂ ਵਿੱਚ 104 ਦੌੜਾਂ ਜੋੜੀਆਂ। ਹੈੱਡ ਨੇ 29 ਗੇਂਦਾਂ ਵਿੱਚ 56 ਦੌੜਾਂ ਬਣਾਈਆਂ, ਜਿਸ ਵਿੱਚ 7 ਚੌਕੇ ਅਤੇ 3 ਛੱਕੇ ਸਨ। ਮਾਰਸ਼ ਨੇ 27 ਗੇਂਦਾਂ ਵਿੱਚ 54 ਦੌੜਾਂ ਬਣਾਈਆਂ, ਜਿਸ ਵਿੱਚ 8 ਚੌਕੇ ਅਤੇ 2 ਛੱਕੇ ਸਨ।
104 ਦੌੜਾਂ ਤੱਕ ਕੋਈ ਵਿਕਟ ਨਾ ਗੁਆਉਣ ਵਾਲੀ ਆਸਟ੍ਰੇਲੀਆ 130 ਦੌੜਾਂ ’ਤੇ 4 ਵਿਕਟਾਂ ਗੁਆ ਬੈਠੀ। ਜੋਸ਼ ਇੰਗਲਿਸ ਨੇ 22 ਗੇਂਦਾਂ ਵਿੱਚ 27 ਦੌੜਾਂ ਬਣਾਈਆਂ। ਗਲੇਨ ਮੈਕਸਵੈਲ ਨੇ 15 ਗੇਂਦਾਂ ਵਿੱਚ 22 ਦੌੜਾਂ ਜੋੜੀਆਂ। ਇੰਗਲਿਸ ਅਤੇ ਮੈਕਸਵੈਲ ਨੇ ਪੰਜਵੀਂ ਵਿਕਟ ਲਈ 21 ਗੇਂਦਾਂ ਵਿੱਚ 30 ਦੌੜਾਂ ਦੀ ਸਾਂਝੇਦਾਰੀ ਕੀਤੀ।
ਸ਼੍ਰੀਲੰਕਾ ਵੱਲੋਂ ਦੁਸ਼ਨ ਹੇਮੰਥਾ ਨੇ 27 ਦੌੜਾਂ ਦੇ ਕੇ 3 ਵਿਕਟਾਂ ਲਈਆਂ। ਦੁਸ਼ਮੰਥਾ ਚਮੀਰਾ ਨੇ 2 ਵਿਕਟਾਂ ਲਈਆਂ। ਮਹੀਸ਼ ਤੀਖਸ਼ਣਾ, ਦੁਨਿਥ ਵੇਲਲੇਜ ਅਤੇ ਕਾਮਿੰਦੂ ਮੇਂਡਿਸ ਨੇ 1–1 ਵਿਕਟ ਲਈ।
