విమెన్స్ ప్రీమియర్ లీగ్ (WPL) 2026లో జరిగిన 20వ మరియు చివరి లీగ్ మ్యాచ్లో ఢిల్లీ క్యాపిటల్స్, యూపీ వారియర్స్ను ఐదు వికెట్ల తేడాతో ఓడించి ఎలిమినేటర్కు అర్హత సాధించింది.
వడోదరలోని కోటాంబి స్టేడియంలో జరిగిన ఈ మ్యాచ్లో టాస్ ఓడి ముందుగా బ్యాటింగ్ చేసిన యూపీ వారియర్స్ 20 ఓవర్లలో 8 వికెట్లు కోల్పోయి 122 పరుగులు చేసింది. కెప్టెన్ మెగ్ లానింగ్ తొలి బంతికే సున్నాకే ఔటయ్యారు. దీప్తి శర్మ 24 పరుగులు చేయగా, సిమ్రన్ షేక్ 14 బంతుల్లో 22 పరుగులు చేసింది. చివర్లో శిఖా పాండే నాటౌట్గా 23 పరుగులు చేయడంతో యూపీ నిర్ణీత ఓవర్లు పూర్తి చేసింది.
ఢిల్లీ క్యాపిటల్స్ బౌలింగ్లో మారిజాన్ కాప్ మూడు వికెట్లు తీసింది. షినెల్ హెన్రీ రెండు వికెట్లు సాధించింది. మిగతా బౌలర్లు కట్టుదిట్టమైన బౌలింగ్ చేశారు.
123 పరుగుల లక్ష్యంతో బ్యాటింగ్కు దిగిన ఢిల్లీ క్యాపిటల్స్ 18.4 ఓవర్లలో ఐదు వికెట్లు కోల్పోయి లక్ష్యాన్ని చేరుకుంది. మధ్య ఓవర్లలో దీప్తి శర్మ రెండు వికెట్లు తీసింది. జెమిమా రోడ్రిగ్స్ చివరి వరకు క్రీజ్లో నిలిచి విజయం ఖాయం చేసింది. ఈ ఫలితంతో ఢిల్లీ క్యాపిటల్స్ ఎలిమినేటర్కు చేరగా, ముంబయి ఇండియన్స్ మరియు యూపీ వారియర్స్ టోర్నీ నుంచి నిష్క్రమించాయి.
