వడోదరాలో జరిగిన ఉమెన్స్ ప్రీమియర్ లీగ్ 2026 సీజన్ 17వ మ్యాచ్లో గుజరాత్ జెయింట్స్ జట్టు ఢిల్లీ క్యాపిటల్స్ను 3 పరుగుల తేడాతో ఓడించింది.
గుజరాత్ జెయింట్స్ బ్యాటింగ్
టాస్ ఓడి ముందుగా బ్యాటింగ్ చేసిన గుజరాత్ జెయింట్స్ 20 ఓవర్లలో 174 పరుగులు చేసింది. బెత్ మూనీ 58 పరుగులు సాధించింది. అనుష్క శర్మ 39 పరుగులు జోడించింది. మధ్య ఓవర్లలో వికెట్లు పడినా చివరి ఓవర్లలో తనుజా కన్వర్ 11 బంతుల్లో 21 పరుగులు చేసింది.
ఢిల్లీ క్యాపిటల్స్ తరఫున బౌలింగ్లో శ్రీ చరణీ 4 ఓవర్లలో 31 పరుగులు ఇచ్చి 4 వికెట్లు తీసింది. షినెల్ హెన్రీ 2 వికెట్లు సాధించింది.
175 పరుగుల లక్ష్యాన్ని చేధించేందుకు దిగిన ఢిల్లీ క్యాపిటల్స్ జట్టు బలహీనంగా ప్రారంభమైంది. షెఫాలి వర్మ 14 పరుగులకు అవుటైంది. లిజెల్ లీ 11 పరుగులకు పెవిలియన్ చేరింది. లారా వోల్వాడ్ట్ 24 పరుగులు, కెప్టెన్ జెమిమా రోడ్రిగ్స్ 16 పరుగులు చేశారు.
16 ఓవర్లకు ఢిల్లీ క్యాపిటల్స్ స్కోరు 6 వికెట్లకు 115 పరుగులు. ఆ తర్వాత నిక్కీ ప్రసాద్, స్నేహ్ రాణా కలిసి 17వ ఓవర్లో 23 పరుగులు జోడించారు. 18వ ఓవర్లో 10 పరుగులు, 19వ ఓవర్లో ఆష్లీ గార్డ్నర్పై 20 పరుగులు వచ్చాయి. మూడు ఓవర్లలో మొత్తం 53 పరుగులు చేరాయి.
