کونسل فار دی انڈین اسکول سرٹیفکیٹ ایگزامینیشنز (CISCE) نے جماعت 10 (ICSE) اور جماعت 12 (ISC) کے 2026 کے نتائج جاری کر دیے ہیں۔ اس سال ICSE میں 99.18 فیصد اور ISC میں 99.13 فیصد طلبہ کامیاب ہوئے ہیں۔ دونوں سطحوں پر طالبات نے طلبہ کے مقابلے میں بہتر کارکردگی کا مظاہرہ کیا ہے۔
نتائج کے اجرا کے ساتھ ہی طلبہ میں جوش دیکھا گیا۔ بورڈ کے مطابق نتائج مکمل طور پر آن لائن موڈ میں دستیاب ہیں اور طلبہ اپنی مارک شیٹ آسانی سے ڈاؤن لوڈ کر سکتے ہیں۔
طلبہ CISCE کی سرکاری ویب سائٹ cisce.org یا results.cisce.org پر جا کر UID، Index Number اور کیپچا درج کر کے اپنا نتیجہ دیکھ سکتے ہیں۔ نتیجہ اسکرین پر ظاہر ہونے کے بعد اسے ڈاؤن لوڈ اور پرنٹ بھی کیا جا سکتا ہے۔
اس کے علاوہ SMS کے ذریعے بھی نتیجہ چیک کرنے کی سہولت فراہم کی گئی ہے۔ طلبہ “ICSE Results” یا “ISC Results” لکھ کر 09248082883 پر بھیج سکتے ہیں، جس کے بعد چند سیکنڈ میں موبائل پر نتیجہ موصول ہو جائے گا۔
DigiLocker ایپ یا ویب سائٹ کے ذریعے ڈیجیٹل مارک شیٹ بھی ڈاؤن لوڈ کی جا سکتی ہے۔ ICSE/ISC Marksheet سیکشن میں ضروری معلومات درج کرنے کے بعد مارک شیٹ دستیاب ہو جاتی ہے۔
بورڈ کے مطابق جو طلبہ اپنے نمبروں سے مطمئن نہیں ہیں وہ ری چیکنگ کے لیے درخواست دے سکتے ہیں۔ ناکام طلبہ کے لیے امپروومنٹ امتحان کا آپشن بھی دستیاب ہوگا، جس کے ذریعے وہ اپنے نتائج کو بہتر بنا سکتے ہیں۔
