ट्रेलरमा माइल्स मोरेल्सको मल्टिभर्समा प्रवेश हुँदै गरेको देखिन्छ। २०२१ मा टोबी मेगुवायर, एन्ड्रयु गार्फील्ड र टम होल्यान्ड स्पाइडरम्यान फिल्ममा एकसाथ देखिएका थिए। अब यस फिल्ममा उनीहरूका काल्पनिक एनिमेटेड पात्रहरू एकसाथ देखिनेछन्।
‘स्पाइडरम्यान : अक्रॉस द स्पाइडर वर्स’ को ट्रेलरमा देखाइएको छ कि यो पटक स्पाइडरम्यान मात्रै संसार बचाउने जिम्मेवारी बोकेका छैनन्, तर उनले बहुविश्वमा रहेका सबै स्पाइडरम्यान र स्पाइडरवुमनहरूलाई पनि बचाउनुपर्ने हुन्छ।
यो पटक फिल्ममा स्पाइडरम्यानको पात्र माइल्स मोरेल्स फरक शैलीमा देखिनेछन्। साथै, यो फिल्मसँगै पहिलो पटक भारतको आफ्नै स्पाइडरम्यान- पवित्र प्रभाकर देखिनेछन्।
स्पाइडरम्यानलाई पवित्र प्रभाकरको भारतीय अवतारको रूपमा प्रस्तुत गरिएको छ, मुम्बईका सडकहरूमा झुन्डिएको देखिनेछ स्पाइडरम्यान।