પશ્ચિમ એશિયામાં વધતા તણાવ અને તાજેતરના મિસાઇલ હુમલાઓને ધ્યાનમાં રાખીને ભારત સરકારે ઉચ્ચસ્તરીય સુરક્ષા સમીક્ષા હાથ ધરી છે. રવિવાર સાંજે પ્રધાનમંત્રી નરેન્દ્ર મોદી અધ્યક્ષતામાં કેબિનેટ કમિટી ઑન સિક્યુરિટી (CCS) ની બેઠક યોજાઈ હતી, જેમાં પ્રદેશીય સુરક્ષા, ભારતીય નાગરિકોની સુરક્ષા અને આર્થિક અસર અંગે વ્યાપક ચર્ચા કરવામાં આવી.
બેઠક દરમિયાન 28 ફેબ્રુઆરીએ ઈરાનમાં થયેલા એર સ્ટ્રાઈક અને તેના અનુસંધાનમાં પશ્ચિમ એશિયામાં વધેલી હિંસા અંગે વિગતવાર માહિતી રજૂ કરવામાં આવી. અહેવાલો અનુસાર, આ ઘટનાક્રમ બાદ સંયુક્ત આરબ અમીરાત, કતાર અને બહેરિન સહિતના અનેક ખાડી દેશોમાં પણ હુમલાઓ નોંધાયા છે, જેના કારણે સમગ્ર પ્રદેશની સુરક્ષા પરિસ્થિતિ અસ્થિર બની છે.
સુરક્ષા એજન્સીઓએ સીસીએસને જમીની પરિસ્થિતિ, સંભવિત જોખમો અને આગળ ઉભા થનારા વ્યૂહાત્મક પડકારો અંગે વિગતવાર માહિતી આપી. પશ્ચિમ એશિયામાં ભારતના મહત્વપૂર્ણ સામરિક અને આર્થિક હિતોને ધ્યાનમાં રાખીને પરિસ્થિતિ પર નજીકથી નજર રાખવામાં આવી રહી છે.
ઉચ્ચસ્તરીય બેઠકમાં ગૃહમંત્રી અમિત શાહ, વિદેશમંત્રી એસ. જયશંકર, રક્ષામંત્રી રાજનાથ સિંહ સહિત રાષ્ટ્રીય સુરક્ષા સાથે જોડાયેલા ટોચના અધિકારીઓ અને સેનાના વરિષ્ઠ પ્રતિનિધિઓ હાજર રહ્યા હતા. બેઠકનો મુખ્ય હેતુ પશ્ચિમ એશિયાની વર્તમાન પરિસ્થિતિનું મૂલ્યાંકન કરી ભારતના વ્યૂહાત્મક હિતોની સુરક્ષા સુનિશ્ચિત કરવાનો હતો.
ખાડી દેશોમાં મોટી સંખ્યામાં ભારતીય પ્રાવાસીઓ કાર્યરત છે. હુમલાઓની પૃષ્ઠભૂમિમાં ત્યાં રહેનારા ભારતીય નાગરિકોની સુરક્ષા અંગે ગંભીર ચિંતા વ્યક્ત કરવામાં આવી. સીસીએસે સંબંધિત મંત્રાલયો ને સ્થાનિક પ્રશાસન અને ભારતીય દૂતાવાસો સાથે સંકલન કરીને પ્રાવાસી ભારતીયોની સુરક્ષા સુનિશ્ચિત કરવા માટે સૂચના આપી.
પ્રદેશમાં પ્રવાસ કરતા ભારતીય નાગરિકો, વ્યાવસાયિક પ્રવાસીઓ અને પરીક્ષા આપવા જતાં વિદ્યાર્થીઓને સંભવિત અસુવિધાથી બચાવવા માટેના પગલાઓ અંગે પણ ચર્ચા કરવામાં આવી. સરકારે જણાવ્યું કે જરૂરી હોય ત્યારે તાત્કાલિક સહાય અને કાઉન્સ્યુલર સપોર્ટ ઉપલબ્ધ કરાવવામાં આવશે.
