શુક્રવારે કિંમતી ધાતુઓમાં ફરી એકવાર તેજી જોવા મળી હતી. સપ્તાહના અંતિમ ટ્રેડિંગ દિવસે મલ્ટી કોમોડિટી એક્સચેન્જ પર સોનું અને ચાંદી બંને વધારા સાથે ટ્રેડ થઈ રહ્યા હતા. સવારે લગભગ 10:02 વાગ્યે 5 જૂન ડિલિવરીવાળું સોનું 0.29% અથવા 449 રૂપિયાના વધારા સાથે પ્રતિ 10 ગ્રામ 1,52,710 રૂપિયા પર ટ્રેડ થઈ રહ્યું હતું. જ્યારે 3 જુલાઈ ડિલિવરીવાળી ચાંદી 0.57% અથવા 1,461 રૂપિયાના વધારા સાથે પ્રતિ કિલોગ્રામ 2,60,001 રૂપિયા સુધી પહોંચી હતી.
MCX પર 5 જૂન ડિલિવરીવાળું સોવું હળવા વધારા સાથે ટ્રેડ થઈ રહ્યું હતું. સવારે લગભગ 10:02 વાગ્યે તે પ્રતિ 10 ગ્રામ 1,52,710 રૂપિયા પર હતું. સોનાનો આજનો ઓપનિંગ ભાવ પ્રતિ 10 ગ્રામ 1,52,672 રૂપિયા રહ્યો હતો, જ્યારે અગાઉનો બંધ ભાવ પ્રતિ 10 ગ્રામ 1,52,261 રૂપિયા હતો.
દિવસ દરમિયાન સોનાનો ભાવ ઇન્ટ્રાડે હાઈ તરીકે પ્રતિ 10 ગ્રામ 1,53,103 રૂપિયા સુધી પહોંચ્યો હતો. વૈશ્વિક આર્થિક સંકેતો તેમજ ડોલરની મજબૂતી અને નબળાઈ વચ્ચે સોનાના ભાવમાં સતત ઉતાર-ચઢાવ જોવા મળી રહ્યો છે.
ચાંદીમાં પણ શુક્રવારે મજબૂત શરૂઆત નોંધાઈ હતી. 3 જુલાઈ ડિલિવરીવાળી ચાંદી 0.57% અથવા 1,461 રૂપિયાના વધારા સાથે પ્રતિ કિલોગ્રામ 2,60,001 રૂપિયા પર ટ્રેડ થઈ રહી હતી. ચાંદીનો આજનો ઓપનિંગ ભાવ પ્રતિ કિલોગ્રામ 2,59,999 રૂપિયા રહ્યો હતો, જ્યારે અગાઉના સત્રમાં તેનો બંધ ભાવ પ્રતિ કિલોગ્રામ 2,58,540 રૂપિયા હતો. દિવસ દરમિયાન ચાંદીએ પ્રતિ કિલોગ્રામ 2,61,811 રૂપિયાનું ઉચ્ચ સ્તર સ્પર્શ્યું હતું, જ્યારે નીચલું સ્તર પ્રતિ કિલોગ્રામ 2,59,769 રૂપિયા રહ્યું હતું.
આ પહેલાં ગુરુવારે સ્થાનિક સરાફા બજારમાં પણ સોનું અને ચાંદી બંનેના ભાવમાં વધારો નોંધાયો હતો. દિલ્હીના સરાફા બજારમાં ચાંદીના ભાવમાં આશરે 7,000 રૂપિયાનો વધારો નોંધાયો હતો, જેના કારણે તેનો ભાવ પ્રતિ કિલોગ્રામ 2,61,500 રૂપિયા સુધી પહોંચ્યો હતો. સોનાના ભાવમાં પણ 600 રૂપિયાનો વધારો થયો હતો, જેના કારણે 99.9% શુદ્ધતાવાળું સોનું પ્રતિ 10 ગ્રામ 1,56,000 રૂપિયા સુધી પહોંચ્યું હતું.
વૈશ્વિક બજારોમાં અનિશ્ચિતતા અને સુરક્ષિત રોકાણ વિકલ્પોની વધતી માંગ વચ્ચે કિંમતી ધાતુઓના ભાવમાં તેજી નોંધાઈ રહી છે. નિષ્ણાતોના જણાવ્યા અનુસાર વર્તમાન સ્તરે સોનું અને ચાંદીમાં મર્યાદિત કરેકશન જોવા મળી શકે છે, જોકે લાંબા ગાળામાં બંને ધાતુઓનો ટ્રેન્ડ મજબૂત રહી શકે છે.
