હિમાચલ પ્રદેશ સ્ટેટ કો-ઓપરેટિવ બેંક (HPSCB) માં જુનિયર ક્લાર્ક પદોની ભરતી માટે અરજી પ્રક્રિયા 9 મે, 2026થી શરૂ થશે. પાત્ર ઉમેદવારો 29 મે, 2026 સુધી ઓનલાઇન અરજી કરી શકશે. ઉમેદવારોની પસંદગી લેખિત પરીક્ષાના આધારે કરવામાં આવશે.
હિમાચલ પ્રદેશ સ્ટેટ કો-ઓપરેટિવ બેંકે જુનિયર ક્લાર્ક પદોની ભરતી માટે સત્તાવાર નોટિફિકેશન જાહેર કર્યું છે. બેન્કિંગ ક્ષેત્રમાં નોકરીની તૈયારી કરી રહેલા ઉમેદવારો માટે અરજી પ્રક્રિયા 9 મે, 2026થી શરૂ કરવામાં આવશે.
આ ભરતી માટે અરજી કરવા ઇચ્છુક ઉમેદવારોએ માન્ય સંસ્થામાંથી ધોરણ 12 પાસ કરેલું હોવું જરૂરી છે. તે ઉપરાંત ઉમેદવાર પાસે ગ્રેજ્યુએશનની ડિગ્રી હોવી આવશ્યક રહેશે.
ઉમેદવારો માટે ન્યૂનત્તમ વય મર્યાદા 18 વર્ષ અને મહત્તમ વય મર્યાદા 45 વર્ષ નક્કી કરવામાં આવી છે. વયની ગણતરી 1 જાન્યુઆરી, 2026ના આધારે કરવામાં આવશે. અનામત વર્ગના ઉમેદવારોને મહત્તમ વય મર્યાદામાં પાંચ વર્ષની છૂટ આપવામાં આવશે.
અરજી ફી અલગ-અલગ વર્ગો માટે અલગ નક્કી કરવામાં આવી છે. સામાન્ય વર્ગના ઉમેદવારોને અરજી ફી તરીકે રૂ. 1,000 ચૂકવવાના રહેશે. જ્યારે EWS, SC, ST અને મહિલા ઉમેદવારો માટે અરજી ફી રૂ. 800 રાખવામાં આવી છે.
ઉમેદવારો HPSCBની સત્તાવાર વેબસાઇટ મારફતે ઓનલાઇન અરજી કરી શકશે. અરજી પ્રક્રિયામાં જરૂરી વિગતો ભરવી, દસ્તાવેજો અપલોડ કરવા, અરજી ફીનું ચુકવણી કરવી અને અંતિમ ફોર્મ સબમિટ કરવાનું રહેશે.
ઉમેદવારોની પસંદગી લેખિત પરીક્ષાના આધારે કરવામાં આવશે. પરીક્ષામાં રીઝનિંગ, ન્યુમેરિકલ એબિલિટી, અંગ્રેજી અને જનરલ અવેરનેસ જેવા વિષયોમાંથી 150 બહુવિકલ્પીય પ્રશ્નો પૂછવામાં આવશે.
પરીક્ષા કુલ 150 ગુણોની રહેશે અને ઉમેદવારોને પરીક્ષા પૂર્ણ કરવા માટે 150 મિનિટનો સમય આપવામાં આવશે. પસંદ થયેલા ઉમેદવારોને જુનિયર ક્લાર્ક પદ માટે પ્રતિમાસ રૂ. 19,900 વેતન આપવામાં આવશે.
