ભારતીય ક્રિકેટ ટીમ 19 સપ્ટેમ્બરથી ઓસ્ટ્રેલિયા સામે વનડે અને ટી20 શ્રેણી રમી રહી છે. આજે, શનિવાર 8 નવેમ્બરના રોજ, ભારત અને ઓસ્ટ્રેલિયા વચ્ચે છેલ્લી ટી20 મેચ રમાશે. આ પછી ટીમ ઇન્ડિયા વતન પરત ફરશે.
સાઉથ આફ્રિકાનો ભારત પ્રવાસ: ભારતીય ક્રિકેટ ટીમનો ઓસ્ટ્રેલિયા પ્રવાસ આજે 8 નવેમ્બરના રોજ સમાપ્ત થઈ રહ્યો છે. ભારત અને ઓસ્ટ્રેલિયા વચ્ચે આ પ્રવાસમાં વનડે અને ટી20 શ્રેણી રમાઈ હતી. અંતિમ મેચ પછી ટીમ ઇન્ડિયા વતન પરત ફરશે, પરંતુ આરામ કર્યા પછી જ ભારતીય ટીમને સાઉથ આફ્રિકા સામે હોમ શ્રેણી રમવાની છે. આ પ્રવાસમાં ભારત-દક્ષિણ આફ્રિકા વચ્ચે ટેસ્ટ, વનડે અને ટી20 એમ તમામ ફોર્મેટની શ્રેણી હશે.
સાઉથ આફ્રિકાનો ભારત પ્રવાસ: તારીખ અને શેડ્યૂલ
સાઉથ આફ્રિકાની ટીમ ભારત પ્રવાસે 14 નવેમ્બર 2025 થી આવશે અને આ પ્રવાસ 19 ડિસેમ્બર 2025 સુધી ચાલશે. આ દરમિયાન ટીમ ઇન્ડિયા અને સાઉથ આફ્રિકા કુલ 10 મેચ રમશે — 2 ટેસ્ટ, 3 વનડે અને 5 ટી20.
ભારત-સાઉથ આફ્રિકા ટેસ્ટ શ્રેણી
- ટેસ્ટ શ્રેણી
- પ્રથમ ટેસ્ટ: 14-18 નવેમ્બર, કોલકાતા
- બીજી ટેસ્ટ: 22-26 નવેમ્બર, ગુવાહાટી
- વનડે શ્રેણી
- પ્રથમ વનડે: 30 નવેમ્બર, રાંચી
- બીજી વનડે: 3 ડિસેમ્બર, રાયપુર
- ત્રીજી વનડે: 6 ડિસેમ્બર, વિશાખાપટ્ટનમ
- ટી20 શ્રેણી
- પ્રથમ ટી20: 9 ડિસેમ્બર, કટક
- બીજી ટી20: 11 ડિસેમ્બર, ન્યૂ ચંદીગઢ
- ત્રીજી ટી20: 14 ડિસેમ્બર, ધર્મશાલા
- ચોથી ટી20: 17 ડિસેમ્બર, લખનૌ
- પાંચમી ટી20: 19 ડિસેમ્બર, અમદાવાદ
ટી20 શ્રેણી માટે ભારતીય ટીમ ઝડપી, આક્રમક અને યુવા ખેલાડીઓના પ્રદર્શન પર નિર્ભર રહેશે, જે 2026 માં યોજાનાર T20 વર્લ્ડ કપની તૈયારી માટે મહત્ત્વપૂર્ણ હશે.
ટેસ્ટ શ્રેણી માટે ભારતીય સ્ક્વોડ
શુભમન ગિલ (કેપ્ટન), રિષભ પંત (વિકેટકીપર અને ઉપકેપ્ટન), યશસ્વી જયસ્વાલ, કેએલ રાહુલ, સાઈ સુદર્શન, દેવદત્ત પડિક્કલ, ધ્રુવ જુરેલ, રવિન્દ્ર જાડેજા, વોશિંગ્ટન સુંદર, જસપ્રીત બુમરાહ, અક્ષર પટેલ, નીતિશ કુમાર રેડ્ડી, મોહમ્મદ સિરાજ, કુલદીપ યાદવ અને આકાશદીપ.
