ICC कडून क्रिकेट चाहत्यांसाठी एक मोठी घोषणा करण्यात आली आहे. दक्षिण आफ्रिकेचा स्टार फलंदाज एडन मार्करम (Aiden Markram) याला जून महिन्याचा ICC प्लेयर ऑफ द मंथ (Player of the Month) निवडले आहे. या सन्मानामागे सर्वात मोठे कारण म्हणजे ICC वर्ल्ड टेस्ट चॅम्पियनशिप (WTC) फायनलमधील (final) त्याची शानदार कामगिरी.
ICC Player of the Month Award: आंतरराष्ट्रीय क्रिकेट परिषदेने (ICC) जून महिन्याच्या प्लेयर ऑफ द मंथ (Player of the Month) पुरस्काराची घोषणा केली आहे. यावेळी, हा प्रतिष्ठित पुरस्कार दक्षिण आफ्रिकेचा धडाकेबाज फलंदाज एडन मार्करम (Aiden Markram) आणि महिला विभागात वेस्ट इंडिजची कर्णधार हेली मॅथ्यूज (Hayley Matthews) यांच्या नावावर आहे. दोन्ही खेळाडूंनी जून महिन्यात फलंदाजी आणि गोलंदाजीमध्ये उत्कृष्ट प्रदर्शन करत आपापल्या संघांसाठी अविस्मरणीय विजय मिळवले.
एडन मार्करम बनला प्लेयर ऑफ द मंथ (पुरुष वर्ग)
दक्षिण आफ्रिकेचा स्टार फलंदाज एडन मार्करमने जून महिन्यात ICC वर्ल्ड टेस्ट चॅम्पियनशिप (WTC) फायनल 2025 मध्ये ऑस्ट्रेलियाविरुद्ध दमदार प्रदर्शन करत सर्वांची मने जिंकली. मार्करमला त्याच्या शानदार फलंदाजी आणि अष्टपैलू कामगिरीसाठी जून महिन्याचा ICC Player of the Month पुरस्काराने गौरवण्यात आले.
एडन मार्करमने वर्ल्ड टेस्ट चॅम्पियनशिप फायनलमध्ये ऑस्ट्रेलियाविरुद्ध कठीण परिस्थितीत 207 चेंडूत 136 धावांची शानदार शतकी खेळी केली. त्याच्या या खेळीच्या जोरावर दक्षिण आफ्रिकेने 282 धावांचे लक्ष्य गाठत प्रथमच WTC चे विजेतेपद पटकावले. मार्करमने कर्णधार टेम्बा बावुमासोबत तिसऱ्या विकेटसाठी 147 धावांची महत्त्वाची भागीदारी केली. या ऐतिहासिक फायनलमध्ये फलंदाजीसोबतच त्याने गोलंदाजीतही योगदान दिले आणि दोन्ही डावात प्रत्येकी एक-एक विकेट घेतली.
मार्करमने आपल्या जबरदस्त प्रदर्शनाने यावेळी पुरस्कारासाठी नामांकित सहकारी खेळाडू कागिसो रबाडा आणि श्रीलंका (Sri Lanka) चा सलामीवीर पथुम निसांका यांना मागे टाकले. WTC फायनलमधील त्याच्या खेळीसाठी त्याला 'प्लेअर ऑफ द मॅच' (Player of the Match) म्हणूनही निवडले गेले.
महिला विभागात हेली मॅथ्यूजची (Hayley Matthews) चमक कायम
महिला विभागात वेस्ट इंडिज महिला संघाची कर्णधार हेली मॅथ्यूजने (Hayley Matthews) पुन्हा एकदा आपल्या उत्कृष्ट प्रदर्शनाने ICC Player of the Month (Women’s Category) पुरस्कार जिंकला आहे. विशेष म्हणजे, हेली मॅथ्यूजने हा पुरस्कार तिच्या कारकिर्दीत चौथ्यांदा जिंकला आहे. यापूर्वी तिने नोव्हेंबर 2021, ऑक्टोबर 2023 आणि एप्रिल 2024 मध्येही हे विजेतेपद पटकावले आहे.
हेली मॅथ्यूजने जूनमध्ये मायदेशात दक्षिण आफ्रिकेविरुद्ध एकदिवसीय (ODI) आणि टी-20 (T20) मालिकेत शानदार प्रदर्शन केले. तिने तीन सामन्यांच्या एकदिवसीय मालिकेत 104 धावा केल्या, ज्यात एक शानदार अर्धशतकाचा समावेश आहे. तसेच तिने या मालिकेत चार विकेटही घेतल्या. यानंतर टी-20 मालिकेतही हेली मॅथ्यूजचे उत्कृष्ट प्रदर्शन कायम राहिले. तिने दोन अर्धशतकांच्या मदतीने एकूण 147 धावा केल्या आणि दोन विकेट्स घेतल्या. याच कामगिरीमुळे तिला टी-20 मालिकेची 'प्लेअर ऑफ द सिरीज' (Player of the Series) घोषित करण्यात आले.
विक्रमांच्या यादीत हेली मॅथ्यूजचा (Hayley Matthews) समावेश
हेली मॅथ्यूज (Hayley Matthews) महिला क्रिकेटमध्ये आता त्या मोजक्या खेळाडूंमध्ये सामील झाली आहे, ज्यांनी चार वेळा ICC Player of the Month पुरस्कार जिंकला आहे. तिच्या आधी ऑस्ट्रेलियाची अष्टपैलू ऍशले गार्डनरने (Ashleigh Gardner) हे यश मिळवले आहे. या पुरस्कारामुळे हेली मॅथ्यूजने दक्षिण आफ्रिकेच्या ताजमिन ब्रिट्स (Tazmin Brits) आणि एफी फ्लेचर (Afy Fletcher) यांसारख्या मजबूत दावेदारांनाही मागे टाकले.
ICC प्लेयर ऑफ द मंथ पुरस्कार दर महिन्याला पुरुष आणि महिला क्रिकेटपटूंना त्यांच्या प्रदर्शनाच्या आधारावर दिला जातो. याचा उद्देश जगभरातील क्रिकेट चाहत्यांना (fans) त्या खेळाडूंसोबत जोडणे आहे, जे उत्कृष्ट प्रदर्शनाने आपल्या देशाचा मान वाढवतात. एडन मार्करम (Aiden Markram) आणि हेली मॅथ्यूज (Hayley Matthews) या दोघांनीही हा सन्मान त्यांच्या शानदार खेळाने पूर्णपणे सिद्ध आणि सार्थ केला आहे.
