भीष्म पितामहका पाँच चमत्कारी वाणहरू - महाभारतको कथा
यो कुरा त्यो समयको हो, जब कुरुक्षेत्रमा कौरव र पाण्डवहरूको बीचमा युद्ध चलिरहेको थियो। पितामह भीष्म कौरवहरूको पक्षबाट युद्ध लडिरहेका थिए, तर कौरवहरूका जेठा दाजु दुर्योधनलाई लाग्थ्यो कि भीष्म पितामहले पाण्डवहरूलाई नोक्सान पुर्याउन चाहँदैनन्। दुर्योधनको विश्वास थियो कि पितामह भीष्म धेरै शक्तिशाली छन् र पाण्डवहरूलाई मार्न उनको लागि एकदमै सजिलो छ।
यही सोचमा डुबेका दुर्योधन भीष्म पितामहको छेउमा पुगे। दुर्योधनले पितामहसँग भने, “तपाईं पाण्डवहरूलाई मार्न चाहनुहुन्न, त्यसैले तपाईं कुनै शक्तिशाली हतियारको प्रयोग गरिरहनु भएको छैन।” दुर्योधनको कुरा सुनेर भीष्मले भने, “यदि तिमीलाई यस्तो लाग्छ भने, म भोलि नै पाँचै पाण्डवहरूलाई मार्नेछु। मसँग पाँच चमत्कारी वाणहरू छन्,
जसको प्रयोग म भोलि युद्धमा गर्नेछु।” भीष्म पितामहको कुरा सुनेर दुर्योधनले भने, “मलाई तपाईँमा विश्वास छैन, त्यसैले यी पाँचै चमत्कारी वाण मलाई दिनुहोस्। म यिनीहरूलाई आफ्नो कोठामा सुरक्षित राख्नेछु।” भीष्मले ती पाँचै वाण दुर्योधनलाई दिए।
अर्कोतिर श्रीकृष्णलाई यस कुराको जानकारी भयो। उनले अर्जुनलाई यस कुराको जानकारी दिए। अर्जुन यो सुनेर आत्तिए र सोच्न थाले कि यो समस्याबाट कसरी बच्ने। श्रीकृष्णले अर्जुनलाई सम्झाए कि एक पटक तिमीले दुर्योधनलाई गन्धर्वहरूबाट बचाएका थियौ, तब दुर्योधनले तिमीलाई भनेका थिए कि यस गुनको बदलामा तिमी भविष्यमा मबाट जे पनि माग्न सक्छौ।
यो सही समय हो, तिमी दुर्योधनसँग ती पाँच चमत्कारी वाण मागि ल्याऊ। यसरी तिम्रो र तिम्रा दाजुभाइहरूको ज्यान बच्न सक्छ। अर्जुनलाई श्रीकृष्णको सल्लाह एकदम सही लाग्यो। उसलाई दुर्योधनले दिएको वचन याद आयो। यस्तो भनिन्छ कि त्यो समयमा सबैले आफ्नो वचन अवश्य निभाउँथे। वचन तोड्नु नियमको विरुद्ध मानिन्थ्यो। अर्जुनले जब दुर्योधनलाई उसको दिएको वचन याद दिलाए र पाँच वाण मागे, तब दुर्योधनले अस्वीकार गर्न सकेन।
दुर्योधनले आफ्नो वचन निभाए र ती वाण अर्जुनलाई दिए। यसरी श्रीकृष्णले आफ्नो भक्त पाण्डवहरूको रक्षा गरे।
