ਐਂਡਰਾਇਡ ਸਮਾਰਟਫੋਨਾਂ ਨੂੰ ਨਿਸ਼ਾਨਾ ਬਣਾਉਂਦਾ ਇੱਕ ਨਵਾਂ ਏਆਈ ਆਧਾਰਿਤ ਮਾਲਵੇਅਰ ਸਰਗਰਮੀ ਨਾਲ ਫੈਲ ਰਿਹਾ ਹੈ, ਜੋ ਬਿਨਾਂ ਯੂਜ਼ਰ ਨੂੰ ਜਾਣਕਾਰੀ ਦਿੱਤੇ ਫੋਨ ਦੀ ਕਾਰਗੁਜ਼ਾਰੀ ‘ਤੇ ਨਕਾਰਾਤਮਕ ਪ੍ਰਭਾਵ ਪਾ ਰਿਹਾ ਹੈ। ਇਹ ਮਾਲਵੇਅਰ ਬੈਕਗ੍ਰਾਊਂਡ ਵਿੱਚ ਚਲਦੇ ਹੋਏ ਸਿਸਟਮ ‘ਤੇ ਵਾਧੂ ਲੋਡ ਪੈਦਾ ਕਰਦਾ ਹੈ, ਜਿਸ ਕਾਰਨ ਫੋਨ ਦੀ ਗਤੀ ਘੱਟ ਹੁੰਦੀ ਹੈ, ਬੈਟਰੀ ਤੇਜ਼ੀ ਨਾਲ ਖਤਮ ਹੁੰਦੀ ਹੈ ਅਤੇ ਡਾਟਾ ਖਪਤ ਵਿੱਚ ਵਾਧਾ ਹੋ ਸਕਦਾ ਹੈ।
ਸਾਈਬਰ ਸੁਰੱਖਿਆ ਮਾਹਿਰਾਂ ਨੇ ਹਾਲ ਹੀ ਵਿੱਚ ਇਸ ਏਆਈ ਮਾਲਵੇਅਰ ਬਾਰੇ ਚੇਤਾਵਨੀ ਜਾਰੀ ਕੀਤੀ ਹੈ। ਸਾਈਬਰ ਸੁਰੱਖਿਆ ਕੰਪਨੀ Dr. Web ਦੀ ਰਿਪੋਰਟ ਅਨੁਸਾਰ, ਇਹ ਮਾਲਵੇਅਰ ਬੈਕਗ੍ਰਾਊਂਡ ਵਿੱਚ ਸਰਗਰਮ ਰਹਿੰਦਿਆਂ ਵਿਗਿਆਪਨਾਂ ‘ਤੇ ਆਪਣੇ ਆਪ ਕਲਿੱਕ ਕਰਦਾ ਹੈ, ਜਿਸ ਨਾਲ ਪ੍ਰੋਸੈਸਰ ਅਤੇ RAM ‘ਤੇ ਦਬਾਅ ਵੱਧਦਾ ਹੈ। ਇਹ ਖਤਰਾ ਖਾਸ ਤੌਰ ‘ਤੇ ਉਹਨਾਂ ਯੂਜ਼ਰਾਂ ਲਈ ਗੰਭੀਰ ਹੈ ਜੋ ਥਰਡ-ਪਾਰਟੀ ਪਲੇਟਫਾਰਮਾਂ ਜਾਂ ਅਣਜਾਣ ਵੈੱਬਸਾਈਟਾਂ ਤੋਂ APK ਫਾਈਲਾਂ ਡਾਊਨਲੋਡ ਕਰਦੇ ਹਨ। ਮਾਹਿਰਾਂ ਮੁਤਾਬਕ, ਇਸ ਦੀ ਪਹਿਚਾਣ ਮੁਸ਼ਕਲ ਹੋਣ ਕਰਕੇ ਕਈ ਯੂਜ਼ਰ ਲੰਮੇ ਸਮੇਂ ਤੱਕ ਇਸਨੂੰ ਨਜ਼ਰਅੰਦਾਜ਼ ਕਰਦੇ ਰਹਿੰਦੇ ਹਨ, ਜੋ ਆਖਿਰਕਾਰ ਫੋਨ ਦੀ ਕਾਰਗੁਜ਼ਾਰੀ ਅਤੇ ਸੁਰੱਖਿਆ ਲਈ ਖਤਰਾ ਬਣ ਸਕਦਾ ਹੈ।
ਸਾਈਬਰ ਮਾਹਿਰਾਂ ਦੇ ਅਨੁਸਾਰ, ਇਹ ਏਆਈ ਮਾਲਵੇਅਰ ਰਵਾਇਤੀ ਤਰੀਕੇ ਨਾਲ ਡਾਟਾ ਚੋਰੀ ਨਹੀਂ ਕਰਦਾ। ਇਸ ਦੀ ਥਾਂ ਇਹ ਬੈਕਗ੍ਰਾਊਂਡ ਵਿੱਚ ਸਰਗਰਮ ਰਹਿੰਦੇ ਹੋਏ ਐਪਾਂ ਅਤੇ ਵੈੱਬਸਾਈਟਾਂ ‘ਤੇ ਦਿਖਣ ਵਾਲੇ ਵਿਗਿਆਪਨਾਂ ਦੀ ਪਛਾਣ ਕਰਦਾ ਹੈ ਅਤੇ ਆਪਣੇ ਆਪ ਉਨ੍ਹਾਂ ‘ਤੇ ਕਲਿੱਕ ਕਰਦਾ ਰਹਿੰਦਾ ਹੈ। ਬਾਹਰੋਂ ਫੋਨ ਸਧਾਰਣ ਲੱਗਦਾ ਹੈ, ਪਰ ਅੰਦਰੂਨੀ ਤੌਰ ‘ਤੇ ਸਿਸਟਮ ‘ਤੇ ਲੋਡ ਲਗਾਤਾਰ ਵੱਧਦਾ ਜਾਂਦਾ ਹੈ।
ਇਹ ਲੁਕੀਆਂ ਹੋਈਆਂ ਗਤੀਵਿਧੀਆਂ ਲੰਮੇ ਸਮੇਂ ਤੱਕ ਚਲਦੀਆਂ ਰਹਿਣ ਨਾਲ ਪ੍ਰੋਸੈਸਰ ਅਤੇ RAM ‘ਤੇ ਦਬਾਅ ਪੈਂਦਾ ਹੈ। ਇਸ ਦਾ ਨਤੀਜਾ ਇਹ ਹੁੰਦਾ ਹੈ ਕਿ ਮੋਬਾਈਲ ਦੀ ਰਫ਼ਤਾਰ ਘੱਟ ਹੋ ਜਾਂਦੀ ਹੈ, ਬੈਟਰੀ ਜਲਦੀ ਖਤਮ ਹੁੰਦੀ ਹੈ ਅਤੇ ਕੁਝ ਮਾਮਲਿਆਂ ਵਿੱਚ ਫੋਨ ਬੇਹੱਦ ਗਰਮ ਵੀ ਹੋਣ ਲੱਗਦਾ ਹੈ। ਕੁਝ ਯੂਜ਼ਰਾਂ ਨੇ ਮੋਬਾਈਲ ਡਾਟਾ ਖਪਤ ਅਚਾਨਕ ਵਧਣ ਦੀ ਸ਼ਿਕਾਇਤ ਵੀ ਕੀਤੀ ਹੈ।
ਇਸ ਏਆਈ ਮਾਲਵੇਅਰ ਦੀ ਮੌਜੂਦਗੀ ਸਾਈਬਰ ਸੁਰੱਖਿਆ ਕੰਪਨੀ Dr. Web ਦੀ ਰਿਸਰਚ ਵਿੱਚ ਸਾਹਮਣੇ ਆਈ ਹੈ। ਰਿਪੋਰਟ ਅਨੁਸਾਰ, ਇਹ ਮਾਲਵੇਅਰ ਆਪਣੇ ਆਪ ਨੂੰ ਇੱਕ ਆਮ ਐਪ ਪ੍ਰੋਸੈਸ ਵਾਂਗ ਲੁਕਾ ਲੈਂਦਾ ਹੈ। ਕਿਉਂਕਿ ਕੋਈ ਸਿੱਧੀ ਸ਼ੱਕੀ ਗਤੀਵਿਧੀ ਨਜ਼ਰ ਨਹੀਂ ਆਉਂਦੀ, ਇਸ ਲਈ ਯੂਜ਼ਰ ਲੰਮੇ ਸਮੇਂ ਤੱਕ ਇਸ ਦੀ ਪਹਿਚਾਣ ਨਹੀਂ ਕਰ ਪਾਂਦੇ।
ਰਿਸਰਚ ਵਿੱਚ ਇਹ ਵੀ ਸਾਹਮਣੇ ਆਇਆ ਹੈ ਕਿ ਇਹ ਮਾਲਵੇਅਰ ਖਾਸ ਤੌਰ ‘ਤੇ ਐਂਡਰਾਇਡ ਡਿਵਾਈਸਾਂ ਨੂੰ ਨਿਸ਼ਾਨਾ ਬਣਾਉਂਦਾ ਹੈ। ਇਸ ਦੀ ਡਿਜ਼ਾਇਨ ਇਸ ਤਰ੍ਹਾਂ ਬਣਾਈ ਗਈ ਹੈ ਕਿ ਇਹ ਯੂਜ਼ਰ ਦੇ ਵਿਹਾਰ ਅਤੇ ਸਕ੍ਰੀਨ ‘ਤੇ ਦਿਖ ਰਹੀ ਸਮੱਗਰੀ ਦੇ ਅਨੁਸਾਰ ਆਪਣੇ ਆਪ ਨੂੰ ਢਾਲ ਲੈਂਦਾ ਹੈ, ਜਿਸ ਨਾਲ ਇਸ ਦੀ ਪਹਿਚਾਣ ਹੋਰ ਵੀ ਮੁਸ਼ਕਲ ਹੋ ਜਾਂਦੀ ਹੈ।
ਰਿਪੋਰਟ ਵਿੱਚ ਦਰਸਾਇਆ ਗਿਆ ਹੈ ਕਿ ਇਹ ਮਾਲਵੇਅਰ ਮੁੱਖ ਤੌਰ ‘ਤੇ ਸੰਕਰਮਿਤ ਐਪਾਂ ਅਤੇ APK ਫਾਈਲਾਂ ਰਾਹੀਂ ਫੈਲ ਰਿਹਾ ਹੈ। ਅਜਿਹੀਆਂ ਕੁਝ ਐਪਾਂ Xiaomi ਦੇ GetApps ਸਟੋਰ ਅਤੇ ਹੋਰ ਥਰਡ-ਪਾਰਟੀ ਪਲੇਟਫਾਰਮਾਂ ‘ਤੇ ਵੀ ਮਿਲੀਆਂ ਹਨ। ਜੋ ਯੂਜ਼ਰ ਅਣਜਾਣ ਵੈੱਬਸਾਈਟਾਂ ਤੋਂ APK ਫਾਈਲਾਂ ਡਾਊਨਲੋਡ ਕਰਕੇ ਐਪ ਇੰਸਟਾਲ ਕਰਦੇ ਹਨ, ਉਨ੍ਹਾਂ ਲਈ ਖਤਰਾ ਕਾਫੀ ਵੱਧ ਹੈ।
ਇੱਕ ਵਾਰ ਫੋਨ ਵਿੱਚ ਇੰਸਟਾਲ ਹੋਣ ਤੋਂ ਬਾਅਦ ਇਹ ਏਆਈ ਮਾਲਵੇਅਰ ਲਗਾਤਾਰ ਬੈਕਗ੍ਰਾਊਂਡ ਵਿੱਚ ਸਰਗਰਮ ਰਹਿੰਦਾ ਹੈ। ਸਮੇਂ ਦੇ ਨਾਲ ਇਹ ਫੋਨ ਦੀ ਰਫ਼ਤਾਰ, ਬੈਟਰੀ ਲਾਈਫ ਅਤੇ ਕੁੱਲ ਕਾਰਗੁਜ਼ਾਰੀ ‘ਤੇ ਪ੍ਰਭਾਵ ਪਾਂਦਾ ਹੈ, ਜਿਸਨੂੰ ਕਈ ਯੂਜ਼ਰ ਮੋਬਾਈਲ ਦੇ ਪੁਰਾਣੇ ਹੋਣ ਜਾਂ ਸਟੋਰੇਜ ਸਮੱਸਿਆ ਨਾਲ ਜੋੜ ਕੇ ਨਜ਼ਰਅੰਦਾਜ਼ ਕਰ ਦਿੰਦੇ ਹਨ।
