انسٹی ٹیوٹ آف چارٹڈ اکاؤنٹنٹس آف انڈیا (ICAI) نے آج، 4 مارچ 2025ء کو، سی اے انٹرمیڈیٹ جنوری امتحان کے نتائج جاری کر دیے ہیں۔ اس باراتر پردیش کی دیپاں شی اگروال نے 521 نمبروں کے ساتھ آل انڈیا ٹاپ کیا ہے۔
تعلیم: انسٹی ٹیوٹ آف چارٹڈ اکاؤنٹنٹس آف انڈیا (ICAI) نے آج، 4 مارچ 2025ء کو، سی اے انٹرمیڈیٹ جنوری امتحان کے نتائج جاری کر دیے ہیں۔ اس باراتر پردیش کی دیپاں شی اگروال نے 521 نمبروں کے ساتھ آل انڈیا ٹاپ کیا ہے۔ ان کے بعد آندھرا پردیش کے تھوٹا سومنندھ شیشادری نائیڈو نے 516 نمبروں کے ساتھ دوسرا مقام حاصل کیا، جبکہ تیسرے مقام پر 515 نمبروں کے ساتھ دہلی کے سارتھک اگروال رہے۔
اس بار سی اے انٹر امتحان میں دونوں گروپس کو ملا کر کل 14.05% طلباء کامیاب ہوئے ہیں۔ گروپ I کا پاس فیصد 14.17% اور گروپ II کا 22.16% رہا۔ امتحان 11 جنوری سے 21 جنوری 2025ء کے درمیان منعقد کیا گیا تھا۔
سی اے انٹر ٹاپرز لسٹ (جنوری 2025ء سیشن)
دیپاں شی اگروال – 521 نمبر (AIR 1)
تھوٹا سومنندھ شیشادری نائیڈو – 516 نمبر (AIR 2)
سارتھک اگروال – 515 نمبر (AIR 3)
مئی 2025ء میں ہوگا اگلہ امتحان
ICAI نے مئی 2025ء میں ہونے والے سی اے امتحانات کی تاریخوں کا بھی اعلان کر دیا ہے۔
سی اے فاؤنڈیشن امتحان – 15، 17، 19 اور 21 مئی 2025ء
سی اے انٹرمیڈیٹ گروپ I – 3، 5 اور 7 مئی 2025ء
سی اے انٹرمیڈیٹ گروپ II – 9، 11 اور 14 مئی 2025ء
جو طلباء سی اے انٹر امتحان میں کامیاب ہوئے ہیں، وہ اب سی اے فائنل کورس میں داخلہ لے سکتے ہیں۔ مزید معلومات کے لیے طلباء ICAI کی سرکاری ویب سائٹ پر وزٹ کر سکتے ہیں۔
