لوہڑی پر سونے کی قیمتوں میں اضافہ دہلی میں 24 قیراط ₹1,42,310

لوہڑی کے موقع پر سونے کی قیمتوں میں نمایاں اضافہ ریکارڈ کیا گیا۔ ملک کے بڑے شہروں میں سونے کے دام بلند سطح پر رہے۔ دہلی میں 24 قیراط سونا 10 گرام کے حساب سے ₹1,42,310 تک پہنچ گیا، جبکہ ممبئی میں 24 قیراط سونا 10 گرام ₹1,42,160 کی سطح پر کاروبار کرتا دیکھا گیا۔

عالمی سطح پر غیر یقینی صورتحال اور محفوظ سرمایہ کاری یعنی سیف ہیون کی بڑھتی ہوئی طلب نے سونے کی قیمتوں کو سہارا دیا۔ اس کا براہِ راست اثر گھریلو منڈی میں بھی نظر آیا۔

بین الاقوامی بازار میں سونے کی قیمتیں ریکارڈ بلندی پر پہنچ گئیں۔ اسپاٹ گولڈ کی قیمت 4,601.69 ڈالر فی اونس تک چلی گئی۔ عالمی سطح پر بڑھتے ہوئے جغرافیائی و سیاسی تناؤ اور معاشی غیر یقینی کے باعث سرمایہ کار حصص بازار سے رقم نکال کر سونے جیسی محفوظ اثاثہ جات کی طرف منتقل ہو رہے ہیں۔

بھارت میں سونے اور چاندی کی قیمتیں صرف گھریلو طلب سے ہی نہیں بلکہ ڈالر انڈیکس، بین الاقوامی سونے کی قیمت، خام تیل کے دام اور عالمی حالات سے بھی متاثر ہوتی ہیں۔

دہلی کی صرافہ مارکیٹ میں آج 24 قیراط سونے کی قیمت 10 گرام ₹1,42,310 درج کی گئی، جبکہ 22 قیراط سونا 10 گرام ₹1,30,460 پر فروخت ہوا۔ تہواروں کے موسم اور شادی بیاہ کی طلب کے باعث دہلی جیسے بڑے بازاروں میں خریداری میں معمولی اضافہ دیکھا گیا۔

ممبئی، چنئی اور کولکاتا میں 24 قیراط سونے کی قیمت 10 گرام ₹1,42,160 رہی، جبکہ ان شہروں میں 22 قیراط سونا 10 گرام ₹1,30,310 پر کاروبار کرتا رہا۔ ان بازاروں میں بھی بین الاقوامی رجحانات کے مطابق قیمتوں میں استحکام برقرار رہا۔

پونے اور بنگلورو میں بھی سونے کے دام تقریباً اسی سطح پر رہے۔ یہاں 24 قیراط سونا 10 گرام ₹1,42,160 اور 22 قیراط سونا 10 گرام ₹1,30,310 پر دستیاب رہا۔

دیگر بڑے شہروں میں بھی سونے کی قیمتیں بلند سطح پر رہیں۔ احمد آباد میں 24 قیراط سونا 10 گرام ₹1,42,210 اور 22 قیراط سونا ₹1,30,360 رہا۔ جے پور، لکھنؤ اور چندی گڑھ میں 24 قیراط سونا 10 گرام ₹1,42,310 اور 22 قیراط سونا ₹1,30,460 تک پہنچ گیا۔ بھوپال میں 24 قیراط سونا ₹1,42,210 اور 22 قیراط سونا ₹1,30,360 رہا۔ حیدرآباد میں 24 قیراط سونے کی قیمت ₹1,42,160 اور 22 قیراط سونے کی قیمت ₹1,30,310 فی 10 گرام درج کی گئی۔

سونے کی قیمتوں میں اضافے کی بنیادی وجہ عالمی سطح پر بڑھتا ہوا جغرافیائی و سیاسی تناؤ بتایا جا رہا ہے۔ ایران میں بڑھتی ہوئی بے چینی اور روس۔یوکرین جنگ کے جاری رہنے سے سرمایہ کاروں کی تشویش میں اضافہ ہوا ہے۔ امریکی صدر ڈونالڈ ٹرمپ نے ایران کے ساتھ کاروبار کرنے والے ممالک پر 25 فیصد ٹیرف عائد کرنے کا اعلان کیا ہے۔ اس کے علاوہ انہوں نے یہ بھی اشارہ دیا ہے کہ ایران میں حکومت مخالف مظاہروں کے بعد امریکہ فوجی آپشن پر غور کر سکتا ہے، جس سے عالمی منڈیوں میں غیر یقینی صورتحال برقرار ہے۔