મુંબઈના વાનખેડે સ્ટેડિયમમાં રમાયેલા ICC Men's T20 World Cup 2026 ના સેમિફાઇનલ મુકાબલામાં ભારતે ઇંગ્લેન્ડને 7 રનથી હરાવીને ફાઇનલમાં સ્થાન મેળવ્યું. આ જીતમાં સંજુ સેમસનની 42 બોલમાં 89 રનની ઇનિંગ્સ અને ભારતીય બોલરોના સંયમિત પ્રદર્શનનો મહત્વપૂર્ણ ફાળો રહ્યો.
ભારત હવે રવિવારે અમદાવાદના નરેન્દ્ર મોદી સ્ટેડિયમમાં ફાઇનલમાં ન્યુઝીલેન્ડનો સામનો કરશે.
મુંબઈના વાનખેડે સ્ટેડિયમમાં રમાયેલા સેમિફાઇનલમાં ઇંગ્લેન્ડે ટોસ જીતીને પહેલા બોલિંગ કરવાનો નિર્ણય લીધો. ભારતે ઇંગ્લેન્ડ સામે 254 રનનો લક્ષ્ય મુક્યો.
ભારતીય ઇનિંગ્સની શરૂઆત સંયમિત રહી. ત્યારબાદ સંજુ સેમસને આક્રમક બેટિંગ શરૂ કરી. સેમસને 42 બોલમાં 89 રનની ઇનિંગ્સ રમી જેમાં અનેક છગ્ગા અને ચોગ્ગા સામેલ હતા. શિવમ દુબેએ 43 રન બનાવી ટીમને મજબૂત સ્થિતિમાં પહોંચાડી.
ઇંગ્લેન્ડ તરફથી જોફ્રા આર્ચરે 1 વિકેટ લીધી જ્યારે આદિલ રશીદ અને વિલ જેક્સે 2-2 વિકેટ મેળવી. ભારતે નિર્ધારિત 20 ઓવરમાં 7 વિકેટ પર 253 રન બનાવ્યા.
જવાબમાં ઇંગ્લેન્ડે શરૂઆત સારી કરી પરંતુ ભારતીય બોલરોની ચોક્કસ લાઇન અને લેન્થે દબાણ ઊભું કર્યું.
હાર્દિક પંડ્યાએ 2 મહત્વપૂર્ણ વિકેટ લીધી. અર્શદીપ સિંહ, જસપ્રીત બુમરાહ, વરુણ ચક્રવર્તી અને અક્ષર પટેલે 1-1 વિકેટ મેળવી.
ઇંગ્લેન્ડ તરફથી જેકબ બેથેલે 105 રનની ઇનિંગ્સ રમી, પરંતુ આ પ્રયાસ ટીમને જીત અપાવવા પૂરતો સાબિત થયો નહીં. ઇંગ્લેન્ડની ઇનિંગ્સ 246 રન પર સમાપ્ત થઈ અને ભારતે 7 રનથી જીત મેળવી.
