મણિપુરના મુખ્યમંત્રી એન. બિરેન સિંહે રાજ્યમાં ચાલી રહેલી અશાંતિ અને અસ્થિરતા અંગે સંવેદના વ્યક્ત કરતાં કહ્યું, "મને ખરેખર દુઃખ છે અને હું માફી માંગવા માંગુ છું." તેમણે આશા વ્યક્ત કરી કે 2025નું નવું વર્ષ રાજ્યમાં સામાન્ય સ્થિતિ અને શાંતિ પાછી લાવશે.
મણિપુરના મુખ્યમંત્રી એન. બિરેન સિંહે રાજ્યમાં થોડા સમયથી ચાલી રહેલી હિંસા અને અશાંતિ માટે જાહેરમાં માફી માંગી છે. તેમણે વર્ષ 2024ને દુર્ભાગ્યપૂર્ણ ગણાવ્યું હતું, અને કહ્યું હતું કે 3 મે, 2023 થી બનેલી ઘટનાઓનો તેમને ખૂબ જ અફસોસ છે. તેમણે કહ્યું, "મને ખરેખર દુઃખ છે અને હું માફી માંગવા માંગુ છું." તેમણે આશા વ્યક્ત કરી કે 2025નું નવું વર્ષ રાજ્યમાં સામાન્ય સ્થિતિ અને શાંતિ પાછી લાવશે.
મુખ્યમંત્રી દ્વારા લોકોની માફી માંગવામાં આવી
મુખ્યમંત્રીએ કહ્યું, "આખું વર્ષ ખૂબ જ દુર્ભાગ્યપૂર્ણ રહ્યું છે. 3જી મેથી જે કંઈ પણ બન્યું છે તે માટે હું દિલગીર છું અને રાજ્યના લોકોની માફી માંગવા માંગુ છું. ઘણા લોકોએ પોતાના પ્રિયજનો ગુમાવ્યા છે, અને ઘણા લોકોએ પોતાના ઘર છોડી દીધા છે. મને આનાથી ખરેખર ખૂબ જ દુઃખ થયું છે." તેમણે વધુમાં જણાવ્યું કે છેલ્લા કેટલાક મહિનામાં શાંતિ પુનઃસ્થાપિત કરવાના પ્રયાસોમાં થોડી પ્રગતિ થઈ છે, અને તેમને આશા છે કે નવું વર્ષ 2025 રાજ્યમાં સામાન્ય સ્થિતિ અને શાંતિ પાછી લાવશે.
તમામ સમુદાયોને અપીલ કરતાં મુખ્યમંત્રી બિરેન સિંહે કહ્યું, "જે થયું તે થયું. આપણે હવે ભૂતકાળની ભૂલોને ભૂલીને નવું જીવન શરૂ કરવું જોઈએ. આપણે શાંતિપૂર્ણ અને સમૃદ્ધ મણિપુર બનાવવા માટે સાથે મળીને કામ કરવાની જરૂર છે."
મુખ્યમંત્રી એન. બિરેન સિંહે કહ્યું
મણિપુરમાં થયેલી હિંસા અને સરકારના પ્રયાસો સંબંધિત આંકડાઓ શેર કરતા મણિપુરના મુખ્યમંત્રી એન. બિરેન સિંહે જણાવ્યું કે અત્યાર સુધીમાં લગભગ 200 લોકો માર્યા ગયા છે, અને આ સમયગાળા દરમિયાન લગભગ 12,247 FIR નોંધવામાં આવી છે. તેમણે વધુમાં જણાવ્યું હતું કે 625 આરોપીઓની ધરપકડ કરવામાં આવી છે અને સુરક્ષા દળોએ વિસ્ફોટક સામગ્રી સહિત લગભગ 5,600 હથિયારો અને 35,000 રાઉન્ડ દારૂગોળો જપ્ત કર્યો છે.
મુખ્યમંત્રીએ એ પણ સ્પષ્ટતા કરી હતી કે કેન્દ્ર સરકારે પરિસ્થિતિને નિયંત્રણમાં લાવવા અને અસરગ્રસ્ત લોકોને મદદ કરવા માટે તમામ જરૂરી પગલાં લીધાં છે. તેમણે કહ્યું, "કેન્દ્ર સરકારે વિસ્થાપિત પરિવારોને મદદ કરવા માટે પૂરતા સુરક્ષા કર્મચારીઓ અને નાણાકીય સહાય પૂરી પાડી છે. વિસ્થાપિત લોકો માટે નવા ઘરોના નિર્માણ માટે પણ પૂરતો ભંડોળ આપવામાં આવ્યો છે."
