Shree Ram Twistexનું પ્રારંભિક જાહેર પ્રસ્તાવ (IPO) સોમવાર, 23 ફેબ્રુઆરીથી સબ્સ્ક્રિપ્શન માટે ખુલ્યું છે. કંપની આ ઇશ્યૂ દ્વારા આશરે 110.24 કરોડ રૂપિયા ઉઠાવવાની યોજના ધરાવે છે. આ ઇશ્યૂ સંપૂર્ણપણે ફ્રેશ ઇશ્યૂ છે, જેમાં કંપની 1.06 કરોડ નવા ઇક્વિટી શેર જારી કરી રહી છે અને કોઈ હાલના શેરહોલ્ડર દ્વારા ઓફર ફોર સેલ (OFS)નો સમાવેશ થતો નથી.
કંપનીએ IPO માટે પ્રતિ શેર 95 રૂપિયા થી 104 રૂપિયા સુધીનો પ્રાઈસ બેન્ડ નક્કી કર્યો છે. એક લોટમાં 144 શેરનો સમાવેશ થાય છે, જેના આધારે રિટેલ રોકાણકાર માટે લઘુત્તમ રોકાણ રકમ 14,976 રૂપિયા બને છે.
ઇશ્યૂ દ્વારા ઉઠાવવામાં આવનાર ફ્રેશ મૂડીનો ઉપયોગ કંપની મેન્યુફેક્ચરિંગ ક્ષમતા વધારવા, નવી મશીનરી સ્થાપવા અને ઓપરેશનલ ખર્ચોને આવરી લેવા માટે કરવાની યોજના ધરાવે છે. કંપનીએ સ્પષ્ટ કર્યું છે કે ઇશ્યૂમાં કોઈ OFSનો સમાવેશ નથી, જેના કારણે રોકાણકારોને નવી ઇક્વિટીમાં ભાગીદારી કરવાનો અવસર મળે છે.
IPO ખુલવા પહેલા ગ્રે માર્કેટમાં શેરનો પ્રીમિયમ આશરે 5 રૂપિયા પ્રતિ શેર રહ્યો હતો, જેના આધારે નોન-લિસ્ટેડ શેર 109 રૂપિયા આસપાસ ટ્રેડ થઈ રહ્યા હતા. આ દર 104 રૂપિયાના ઉપરના પ્રાઈસ બેન્ડ કરતા આશરે 4.81 ટકા વધારે છે. ગ્રે માર્કેટ પ્રીમિયમ શરૂઆતના સંકેત આપે છે, પરંતુ તેને એકમાત્ર આધાર તરીકે જોવામાં આવતો નથી.
બ્રોકરેજ ફર્મ સ્વસ્તિકા ઇન્વેસ્ટમાર્ટે આ IPO માટે ‘અવોઇડ’ રેટિંગ આપ્યું છે. તેમના મુજબ કંપનીનું મૂલ્યાંકન આશરે 29-30 ગણું P/E પર છે અને ભવિષ્યની મોટાભાગની વૃદ્ધિ પહેલેથી જ ભાવમાં પ્રતિબિંબિત માનવામાં આવે છે. તેમ છતાં કંપનીનો નફો અને માર્જિન સુધરી રહ્યા છે તથા ગ્રીન એનર્જીના ઉપયોગથી ખર્ચમાં લાભ મળી રહ્યો છે.
સ્વસ્તિકા ઇન્વેસ્ટમાર્ટે જણાવ્યું છે કે આ ઇશ્યૂ વધુ જોખમ લેવા તૈયાર અને લાંબા ગાળાના દૃષ્ટિકોણ ધરાવતા રોકાણકારો માટે યોગ્ય ગણાય શકે છે, જ્યારે લિસ્ટિંગ ગેઇન અથવા સુરક્ષિત રોકાણ શોધતા રોકાણકારોએ દૂર રહેવું જોઈએ.
માસ્ટરટ્રસ્ટના વિશ્લેષકોે લાંબા ગાળાના રોકાણ માટે ‘સબ્સ્ક્રાઇબ’ કરવાની ભલામણ કરી છે. તેમના જણાવ્યા મુજબ કંપની B2B સેગમેન્ટમાં કાર્યરત છે અને મજબૂત ગ્રાહક નેટવર્ક ધરાવે છે. મેન્યુફેક્ચરિંગ યુનિટ અનુકૂળ સ્થાન પર આવેલ હોવાથી ઘરેલું અને આંતરરાષ્ટ્રીય માંગનો લાભ મળવાની સંભાવના દર્શાવવામાં આવી છે.
વિશેષજ્ઞોના મત મુજબ કોટન આધારિત ઉત્પાદનોની વધતી માંગ, ઘરેલું વપરાશમાં વધારો અને ટેક્સટાઇલ ક્ષેત્રમાં નિકાસ તકો કંપની માટે સંકેતરૂપ ગણાય છે. IPOનો પ્રાઈસ બેન્ડ 95 થી 104 રૂપિયા વચ્ચે નક્કી કરવામાં આવ્યો છે. પ્રાઈસ રેન્જને ધ્યાનમાં લેતા પ્રારંભિક સલામતી માર્જિન મર્યાદિત હોવાનું દર્શાવવામાં આવ્યું છે.
વિશ્લેષણ મુજબ આ IPOમાં જોખમ અને વળતર બંને પરિબળો સામેલ છે. લાંબા ગાળાના રોકાણકારો તેને અવસર તરીકે જોઈ શકે છે, જ્યારે ટૂંકા ગાળાના રોકાણકારોને સાવચેતી રાખવાની સલાહ આપવામાં આવી છે.
