ઉત્તરાખંડ લોક સેવા આયોગ (UKPSC) દ્વારા ઉત્તરાખંડ સંયુક્ત રાજ્ય સિવિલ/પ્રવર અધિનસ્થ સેવા પરીક્ષા-2026 માટે નોંધણી પ્રક્રિયા 9 સપ્ટેમ્બરથી શરૂ કરવામાં આવી છે. પાત્ર ઉમેદવારો 29 સપ્ટેમ્બર 2026 સુધી ઓનલાઈન અરજી કરી શકશે. અરજીમાં સુધારા માટે કરેકશન વિન્ડો 7 ઓક્ટોબરથી 16 ઓક્ટોબર 2026 સુધી ખુલ્લી રહેશે.
UKPSCએ ઉત્તરાખંડ સંયુક્ત રાજ્ય સિવિલ/પ્રવર અધિનસ્થ સેવા પરીક્ષા-2026 માટે નોટિફિકેશન જાહેર કર્યું છે. નોટિફિકેશનની સાથે ઓનલાઈન રજિસ્ટ્રેશન પ્રક્રિયા પણ શરૂ કરવામાં આવી છે. ઇચ્છુક અને પાત્ર ઉમેદવારો 29 સપ્ટેમ્બર 2026 સુધી અરજી કરી શકશે.
અરજી ફોર્મમાં કોઈ ભૂલ રહી જાય તો ઉમેદવારો 7 ઓક્ટોબરથી 16 ઓક્ટોબર 2026 સુધી કરેકશન વિન્ડો દ્વારા જરૂરી સુધારા કરી શકશે.
UKPSC PCS પરીક્ષા માટે અરજી કરવા ઉમેદવાર પાસે ભારતની કોઈ માન્યતા પ્રાપ્ત સંસ્થા અથવા યુનિવર્સિટીમાંથી સ્નાતકની ડિગ્રી હોવી જરૂરી છે.
ઉમેદવારની વયની ગણતરી 1 જુલાઈ 2026ના આધારે કરવામાં આવશે. અરજદારની લઘુત્તમ વય 21 વર્ષ અને મહત્તમ વય 42 વર્ષ હોવી જોઈએ. અનામત વર્ગના ઉમેદવારોને નિયમો અનુસાર મહત્તમ વય મર્યાદામાં છૂટનો લાભ મળશે.
ઓનલાઈન અરજી કરવા માટે ઉમેદવારોએ UKPSCની સત્તાવાર વેબસાઇટ પર જવું પડશે. વેબસાઇટના હોમપેજ પર How to Apply લિંક પર ક્લિક કર્યા બાદ Apply Now વિકલ્પ પસંદ કરવો પડશે. ત્યારબાદ માંગવામાં આવેલી તમામ જરૂરી માહિતી દાખલ કરીને જરૂરી દસ્તાવેજોની સ્કેન કરેલી નકલો અપલોડ કરવાની રહેશે.
અરજી પ્રક્રિયા પૂર્ણ થયા બાદ ફોર્મ સબમિટ કરવું અને ભવિષ્યના ઉપયોગ માટે અરજી ફોર્મની પ્રિન્ટઆઉટ સુરક્ષિત રાખવી.
ઉમેદવારોએ અરજી કરતા પહેલાં સત્તાવાર નોટિફિકેશનમાં આપવામાં આવેલા પાત્રતા માપદંડ, વય મર્યાદા અને અન્ય જરૂરી સૂચનાઓ ધ્યાનપૂર્વક વાંચવી.
