खूप वर्षांपूर्वी, जंगलात एक विचित्र पक्षी राहत होता. त्याचे शरीर एकच होते, पण डोकी दोन होती. एके दिवशी, तो पक्षी जंगलात फिरत असताना एका डोक्याने एक स्वादिष्ट फळ पाहिले आणि ते खायला सुरुवात केली. दुसऱ्या डोक्याने म्हटले, "हे फळ खूपच छान दिसत आहे. मला पण खायला दे." पहिल्या डोक्याने रागात उत्तर दिले, "हे फळ मी पाहिले आहे! ते पूर्णपणे मीच खाणार."
दुसरे डोके शांत झाले आणि थोडे निराश झाले. काही दिवसांनंतर, दुसऱ्या डोक्याला एक विषारी फळ दिसले आणि त्याने पहिल्या डोक्याचा बदला घेण्याचा विचार केला. दुसरे डोके बोलले, "मी हे फळ खाणार कारण तू त्या दिवशी माझा अपमान केला होता." पहिल्या डोक्याने म्हटले, "ते फळ खाऊ नकोस, आपले दोघांचे पोट तर एकच आहे." पण दुसऱ्या डोक्याने ते फळ खाल्ले आणि तो विचित्र पक्षी मरण पावला.
शिकवण
या गोष्टीमधून ही शिकवण मिळते की एकजुटीने राहण्यातच आपला विजय आहे.
```
