ਉੱਤਰ ਪ੍ਰਦੇਸ਼ ਦੇ ਬਹਿਰਾਇਚ ਜ਼ਿਲ੍ਹੇ ਦੇ ਰਾਮਪੁਰਵਾ ਪਿੰਡ ਵਿੱਚ ਐਤਵਾਰ ਸ਼ਾਮ ਨੂੰ ਇੱਕ ਦਿਲ ਕੰਬਾਊ ਘਟਨਾ ਵਾਪਰੀ, ਜਿਸ ਵਿੱਚ 21 ਸਾਲਾ ਕਿਸਾਨ ਸੰਜੀਤ ਕੁਮਾਰ ਦੀ ਬਾਘ ਦੇ ਹਮਲੇ ਵਿੱਚ ਮੌਤ ਹੋ ਗਈ।
ਇਹ ਵੀ ਪੜ੍ਹੋ:-
ਉਹ ਆਪਣੇ ਹਲਦੀ ਦੇ ਖੇਤ ਵਿੱਚ ਘਾਹ-ਫੂਸ ਕੱਢ ਰਹੇ ਸਨ, ਓਦੋਂ ਹੀ ਜੰਗਲ ਵਿੱਚੋਂ ਨਿਕਲਿਆ ਇੱਕ ਬਾਘ ਉਨ੍ਹਾਂ 'ਤੇ ਝਪਟ ਪਿਆ। ਬਾਘ ਨੇ ਸਿਰ 'ਤੇ ਕਈ ਵਾਰ ਕੀਤੇ, ਜਿਸ ਨਾਲ ਉਨ੍ਹਾਂ ਦੀ ਮੌਕੇ 'ਤੇ ਹੀ ਮੌਤ ਹੋ ਗਈ।
ਘਟਨਾ ਤੋਂ ਬਾਅਦ ਪਿੰਡ ਵਿੱਚ ਦਹਿਸ਼ਤ ਦਾ ਮਾਹੌਲ ਹੈ ਅਤੇ ਪਿੰਡ ਵਾਸੀਆਂ ਵਿੱਚ ਜੰਗਲਾਤ ਵਿਭਾਗ ਪ੍ਰਤੀ ਨਾਰਾਜ਼ਗੀ ਹੈ। ਡੀ.ਐੱਫ.ਓ. ਸੂਰਜ ਕੁਮਾਰ ਨੇ ਬਾਘ ਦੇ ਹਮਲੇ ਦੀ ਪੁਸ਼ਟੀ ਕੀਤੀ ਹੈ ਅਤੇ ਜਾਂਚ ਲਈ ਜੰਗਲਾਤ ਟੀਮ ਭੇਜੀ ਗਈ ਹੈ।
ਇਹ ਘਟਨਾ ਖੇਤਰ ਵਿੱਚ ਜੰਗਲੀ ਜੀਵਾਂ ਦੇ ਹਮਲਿਆਂ ਦੀਆਂ ਵਧਦੀਆਂ ਘਟਨਾਵਾਂ ਨੂੰ ਉਜਾਗਰ ਕਰਦੀ ਹੈ, ਜਿਸ ਨਾਲ ਸਥਾਨਕ ਭਾਈਚਾਰੇ ਵਿੱਚ ਡਰ ਅਤੇ ਅਸੁਰੱਖਿਆ ਦੀ ਭਾਵਨਾ ਵਧ ਰਹੀ ਹੈ।
