કેન્દ્રીય વિદ્યાલય સંગઠન (KVS) એ શૈક્ષણિક સત્ર 2025-26 માટે બાલ વાટિકા 1, 2, 3 અને ધોરણ 1 માં પ્રવેશ પ્રક્રિયાનો સમયપત્રક જાહેર કર્યો છે. ઈચ્છુક વાલીઓ 7 માર્ચ 2025 થી ઓનલાઈન અરજી કરી શકશે. આ પ્રક્રિયા 21 માર્ચ 2025 સુધી ચાલશે.
કોણ અરજી કરી શકે?
બાલ વાટિકા 1: 3 થી 4 વર્ષ
બાલ વાટિકા 2: 4 થી 5 વર્ષ
બાલ વાટિકા 3: 5 થી 6 વર્ષ
ધોરણ 1: 6 થી 8 વર્ષ
પ્રવેશનો સંપૂર્ણ સમયપત્રક
નોંધણીની શરૂઆત: 7 માર્ચ 2025
ઓનલાઈન અરજીની છેલ્લી તારીખ: 21 માર્ચ 2025
ધોરણ 1 ની પ્રથમ અંતિમ યાદી: 25 માર્ચ 2025
બાલ વાટિકાની પ્રથમ અંતિમ યાદી: 26 માર્ચ 2025
બાલ વાટિકા 2, ધોરણ 2 અને અન્ય ધોરણો માટે નોંધણી (ધોરણ 11 સિવાય): 2 એપ્રિલ થી 11 એપ્રિલ 2025
કેવી રીતે અરજી કરવી?
ઓનલાઈન પોર્ટલ પર જાઓ: અરજદારો kvsonlineadmission.kvs.gov.in પર જઈને અરજી કરી શકે છે.
નોંધણી કરો: પહેલા "Registration (sign-up) of first-time user" પર ક્લિક કરીને જરૂરી માહિતી ભરો.
લોગિન કરો: ત્યારબાદ "Login (sign-in) to the Admission application portal" પર જઈને અન્ય વિગતો ભરો.
દસ્તાવેજો અપલોડ કરો: માંગવામાં આવેલા દસ્તાવેજો અપલોડ કર્યા પછી અરજી ફોર્મ સબમિટ કરો.
પ્રિન્ટ આઉટ લો: ફોર્મ સબમિટ કર્યા પછી તેનો પ્રિન્ટ કાઢીને સુરક્ષિત રાખો.
પ્રવેશ પ્રક્રિયા અને ફી
અરજીના આધારે અંતિમ યાદી તૈયાર કરવામાં આવશે, અને જે બાળકોના નામ આમાં આવશે, તેમને કેન્દ્રીય વિદ્યાલયમાં પ્રવેશ મળશે. ખાસ વાત એ છે કે અરજી પ્રક્રિયા સંપૂર્ણપણે મફત છે, એટલે કે વાલીઓએ કોઈપણ ફી ચૂકવવાની રહેશે નહીં. વાલીઓને સલાહ આપવામાં આવે છે કે તેઓ અરજી કરતા પહેલા કેન્દ્રીય વિદ્યાલય સંગઠનની સત્તાવાર વેબસાઇટ પર જાહેર કરેલા સૂચનાઓને ધ્યાનથી વાંચી લે, જેથી કોઈપણ પ્રકારની ભૂલ ન થાય.
