ટેલિવિઝન અને સાઉથ ફિલ્મ ઉદ્યોગ સાથે જોડાયેલી અભિનેત્રી નિક્કી તંબોલીએ તેમના નામ અને ઓળખનો ગેરઉપયોગ થતો હોવાની જાહેર ચેતવણી આપી છે. તેમણે સોશિયલ મીડિયા પ્લેટફોર્મ ઇન્સ્ટાગ્રામ પર પોસ્ટ શેર કરીને ચાહકો, નજીકના મિત્રોને અને ઉદ્યોગ સાથે સંકળાયેલા લોકોને સાવચેત રહેવા જણાવ્યું છે.
નિક્કી તંબોલીએ જણાવ્યું કે અજાણ્યો વ્યક્તિ તેમના નામ અને તસવીરનો ઉપયોગ કરીને નકલી નંબર દ્વારા લોકોને સંદેશા મોકલી રહ્યો છે. પોસ્ટમાં તેમણે સ્પષ્ટ લખ્યું છે કે આ સંદેશાઓ તેઓ દ્વારા મોકલવામાં આવ્યા નથી અને લોકોને આવા સંદેશાઓને ગંભીરતાથી ન લેવા વિનંતી કરી છે.
તેમણે લખ્યું છે કે કોઈ વ્યક્તિ તેમના નામ અને ફોટાનો ઉપયોગ કરીને ફેક નંબરથી લોકોનો સંપર્ક કરી રહ્યો છે. તેમણે લોકોને વિનંતી કરી છે કે આ વ્યક્તિને મહત્વ ન આપે, કોઈ જવાબ ન આપે અને સંભવિત છેતરપિંડીથી બચવા માટે આ નંબરને રિપોર્ટ અને બ્લોક કરે.
અભિનેત્રી મુજબ, નકલી નંબર અને સોશિયલ મીડિયા એકાઉન્ટનો ઉપયોગ કરીને તેમના નજીકના મિત્રોને અને ચાહકોને આર્થિક અથવા વ્યક્તિગત માહિતી મેળવવાના પ્રયાસો થઈ રહ્યા છે. આવા પ્રકારની છેતરપિંડીમાં સામાન્ય રીતે નાણાંની માંગ, નકલી પ્રોજેક્ટ ઓફર અથવા ખોટી સ્પર્ધાઓ દ્વારા લોકોને ફસાવવાનો પ્રયાસ કરવામાં આવે છે.
નિક્કી તંબોલીએ સ્પષ્ટ કર્યું છે કે તેમના નામથી મોકલાતા આવા કોઈપણ સંદેશાઓ સાથે તેમનો કોઈ સંબંધ નથી. તેમણે લોકોને શંકાસ્પદ સંદેશાઓનો જવાબ ન આપવા અને સાવચેત રહેવા અનુરોધ કર્યો છે.
નિક્કી તંબોલી હાલમાં રિયાલિટી શો ‘ધ 50’માં ભાગ લઈ રહી છે. તે અગાઉ ‘બિગ બોસ 14’માં જોવા મળી હતી, જેના કારણે તેમને વ્યાપક ઓળખ મળી હતી. તેમણે ‘સેલિબ્રિટી માસ્ટર શેફ’માં પણ ભાગ લીધો હતો. ‘ધ 50’માં તેઓ તેમના બોયફ્રેન્ડ અરબાઝ પટેલ સાથે જોવા મળી રહી છે.
