90 च्या दशकातील प्रत्येक मूल जे बॉलीवूडचे चित्रपट बघत मोठे झाले आहे, ते कादर खान या नावाशी परिचित नसेल, हे शक्यच नाही. कारण तो काळ असा होता की कादर खान हास्याचा समानार्थी शब्द बनले होते. त्यांचा चित्रपटात असण्याचा अर्थच हा होता की चित्रपटात 5 ते 10 दृश्य नक्कीच विनोदी असतील. कादर खान एक प्रसिद्ध अभिनेता असण्यासोबतच विनोदी कलाकार, पटकथा आणि संवाद लेखक सुद्धा आहेत.
1. सन 1973 मध्ये आपल्या फिल्मी करियरची सुरुवात केल्यापासून कादर खान यांनी 300 पेक्षा जास्त चित्रपटांमध्ये काम केले. ज्यामुळे त्यांची ओळख एक अभिनेता आणि लेखक म्हणून आहे.
2. कादर खान मुंबई विद्यापीठाच्या इस्माईल युसूफ कॉलेजमध्ये इंजीनियरिंगचे पदवीधर होते.
3. त्यांनी आपल्या पहिल्या चित्रपट 'दाग' मध्ये सरकारी वकिलाची भूमिका साकारली होती.
4. त्यांचे वडील अब्दुल रहमान खान कंधारचे होते आणि आई इकबाल बेगम पिशिन (ब्रिटिशांच्या काळात भारताचा भाग) येथील होती.
5. चित्रपटांमध्ये करियर बनवण्यापूर्वी कादर खान एम. एच. साबू सिद्दीक कॉलेज ऑफ इंजीनियरिंगमध्ये सिविल इंजीनियरिंगचे प्राध्यापक होते.
6. त्यांनी कॉलेजमध्ये केलेल्या नाटकामुळे दिलीप कुमार इतके प्रभावित झाले की, त्यांनी कादर खान यांना आपल्या दोन चित्रपट 'सगीना' आणि 'बैराग' साठी परवानगी दिली.
7. कादर खान यांनी 250 पेक्षा जास्त चित्रपटांचे संवाद लिहिले होते.
8. कादर खान यांनी दूरदर्शनवर 'हंसना मत' नावाचा एक विनोदी कार्यक्रम केला होता, जो त्यांनी स्वतःच बनवला होता.
9. कादर खान यांना तीन मुलगे आहेत, ज्यापैकी एक मुलगा कॅनडामध्ये राहतो.
10. कादर खान यांना 9 वेळा सर्वोत्तम विनोदी कलाकार म्हणून फिल्मफेअर मध्ये नामांकन मिळाले होते.
11. सोशल मीडियावर पसरलेल्या त्यांच्या मृत्यूच्या बातमीने कादर खान खूप दु:खी झाले होते आणि त्यांनी सांगितले की, यामुळे त्यांच्या कुटुंबाला खूप त्रास झाला.
12. कादर खान यांच्या बालपणी त्यांच्याकडे चप्पलसुद्धा नव्हती. त्यांची आई त्यांचे घाणेरडे पाय बघून ओळखायची की ते मशिदीत गेले नव्हते.
13. कादर खान यांचे बालपण गरिबीत गेले. गलिच्छ वस्तीतील झोपड्यांमध्ये राहणाऱ्या आईने त्यांचे पालनपोषण केले.
14. कादर खान यांना कधीच चित्रपटांमध्ये काम करायचे नव्हते, कारण त्यांच्या काळात चित्रपटांना खालच्या स्तराची गोष्ट मानली जात होती.
15. कादर खान एक लेखक म्हणून खूप लवकर यशस्वी झाले, कारण ते बोलचालीच्या भाषेत संवाद लिहायचे.
16. एक वेळ अशी होती की, कादर खान नायकांपेक्षा जास्त लोकप्रिय होते आणि प्रेक्षक पोस्टरवर त्यांचा चेहरा बघून तिकीट खरेदी करायचे.
17. कादर खान यांचे मानणे होते की, एक चांगला लेखक बनण्यासाठी आयुष्यात खूप दुःख सहन करावे लागते.
18. कादर खान यांचे तीन मोठे भाऊ होते, ज्यांचा जन्म काबुलमध्ये झाला होता.
19. कादर खान यांच्या पहिल्याच नाटकातील अभिनयाला बघून एका वृद्ध व्यक्तीने त्यांना 100 रुपयांची नोट दिली होती.
20. कादर खान यांना 1991 मध्ये सर्वोत्तम विनोदी कलाकार आणि 2004 मध्ये सर्वोत्तम सहाय्यक भूमिकेसाठी फिल्मफेअर पुरस्कार मिळाला.
21. त्यांनी 1982 आणि 1993 मध्ये सर्वोत्तम संवादासाठी फिल्मफेअर पुरस्कार जिंकला होता.
22. कादर खान यांना 2013 मध्ये चित्रपटांमधील योगदानाबद्दल साहित्य शिरोमणी पुरस्काराने सन्मानित करण्यात आले.
23. चित्रपट 'रोटी' साठी मनमोहन देसाई यांनी कादर खान यांना संवाद लिहिण्यासाठी 1 लाख 20 हजार रुपये एवढी मोठी रक्कम दिली होती.
24. अमिताभ बच्चन यांच्या अनेक यशस्वी चित्रपटांव्यतिरिक्त कादर खान यांनी 'हिम्मतवाला', 'कुली नंबर वन', 'मैं खिलाडी तू अनाडी', 'खून भरी मांग', 'कर्मा', 'सरफरोश' आणि 'धरमवीर' सारख्या सुपरहिट चित्रपटांचे संवाद लिहिले होते.
25. आजारी पडल्यानंतर कादर खान खूप निराश झाले होते, कारण लोकांनी त्यांच्यापासून दुरावा ठेवला आणि काम देणे बंद केले होते.
```
