लिंबाच्या सालीचे फायदे जाणून तुम्ही थक्क व्हाल, अशा प्रकारे करा त्याचा वापर
उन्हाळ्यामध्ये आपण लिंबाचा खूप वापर करतो. हे ग्रेपफ्रूट, संत्रा आणि लाईम सारखेच एक लिंबूवर्गीय फळ आहे. लिंबाचे फायदे आपल्या सर्वांनाच माहीत आहेत. लिंबू पाणी आपल्या शरीरातील घाण साफ करते. अँटी-ऑक्सिडंट गुणधर्मामुळे आपली त्वचा चमकदार होते. लिंबाचा सर्वाधिक वापर वजन कमी करण्यासाठी केला जातो. साधारणपणे आपण याच्या गराचा आणि रसाचा वापर करतो आणि उरलेली साल फेकून देतो, पण हेल्थलाइनच्या एका रिपोर्टनुसार, संशोधनात असे आढळले आहे की, याच्या सालीमध्येही अनेक गुणधर्म आहेत.
लिंबाच्या सालीमध्ये भरपूर प्रमाणात बायोएक्टिव्ह कंपोनेंट्स आढळतात, जे आरोग्यासाठी खूपच उपयुक्त घटक आहेत. यामध्ये भरपूर प्रमाणात फायबर, व्हिटॅमिन सी, कॅल्शियम, पोटॅशियम आणि मॅग्नेशियम असते. इतकेच नाही, तर यामध्ये डी लिमोनेन नावाचे घटक असते, ज्यामुळे त्याला सुगंध येतो आणि ते आरोग्यावर खूप परिणाम करते. तर, चला जाणून घेऊया लिंबाची साल आपल्यासाठी किती फायद्याची आहे.
लिंबाच्या सालीचे फायदे
1. दातांना आजारांपासून वाचवते
लिंबाच्या सालीमध्ये अनेक अँटीबॅक्टेरियल घटक आढळतात, जे दातांमध्ये होणारी कॅव्हिटी आणि गम इन्फेक्शन दूर करतात. हे शक्तिशाली अँटी बॅक्टेरियल घटक दातांसाठी खूप फायदेशीर असतात.
2. अँटिऑक्सिडंट गुणांनी भरपूर
लिंबाप्रमाणेच त्याच्या सालीमध्येही भरपूर प्रमाणात अँटिऑक्सिडंट गुणधर्म आढळतात. हे शरीरात तयार होणाऱ्या फ्री रॅडिकल्सपासून पेशींचे नुकसान होण्यापासून वाचवते आणि हृदयरोगापासून संरक्षण करते.
3. स्किन लाइटनर
लिंबाच्या सालीपासून तुम्ही घरीच नॅचरल स्किन लाइटनर बनवू शकता. यामध्ये सायट्रिक ऍसिड असते, जे एक ब्लीचिंग एजंट आहे. हे पोअर्स टाइट करते आणि सूर्यप्रकाशामुळे होणारी टॅनिंग देखील दूर करते.
4. रोगप्रतिकारशक्ती वाढवते
लिंबाच्या सालीचे सेवन केल्याने रोगप्रतिकारशक्ती मजबूत होते. यामुळे सिजनल फ्लू, खोकला, सर्दी इत्यादींपासून बचाव होतो.
5. हृदयासाठी चांगले
यामध्ये असलेले डी लिमोनेन रक्तातील साखर आणि बॅड कोलेस्ट्रॉल नियंत्रित करते आणि गुड कोलेस्ट्रॉल वाढवण्यास मदत करते, ज्यामुळे हृदय अधिक चांगल्या पद्धतीने कार्य करू शकते.
लिंबाच्या सालीचे इतर उपयोग
लिंबाची साल तणाव दूर करण्यासाठी देखील उपयुक्त आहे.
याचे सेवन यकृत स्वच्छ ठेवते आणि रक्ताभिसरण सुधारते.
हे स्नायूंना देखील मजबूत करते.
याला व्हाईट व्हिनेगरमध्ये मिसळून ऑल पर्पज क्लिनर म्हणून वापरले जाऊ शकते.
फ्रिजमधील वास दूर करण्यासाठी ते फ्रिजच्या दरवाजाजवळ ठेवता येते.
