Eternal એ નાણાકીય વર્ષ 2025-26ની ત્રીજી ત્રિમાસિક (Q3FY26) માટેના પરિણામો જાહેર કર્યા. ડિસેમ્બર ત્રિમાસિકમાં કંપનીનો કન્સોલિડેટેડ નેટ પ્રોફિટ વર્ષ-દર-વર્ષ 73 ટકા વધીને ₹102 કરોડ રહ્યો, જ્યારે ગયા વર્ષના સમાન ત્રિમાસિકમાં નેટ પ્રોફિટ ₹59 કરોડ હતો.
કંપનીએ જણાવ્યું કે નેટ પ્રોફિટમાં થયેલો વધારો મુખ્યત્વે ક્વિક કોમર્સ વ્યવસાય અને B2B સોર્સિંગ પ્લેટફોર્મના પ્રદર્શનને કારણે થયો છે.
Q3FY26 દરમિયાન ઓપરેશન્સમાંથી આવક વર્ષ-દર-વર્ષ 202 ટકા વધીને ₹16,315 કરોડ થઈ, જ્યારે ગયા વર્ષના સમાન ત્રિમાસિકમાં આવક ₹5,405 કરોડ હતી. આવકમાં થયેલો વધારો મુખ્યત્વે ક્વિક કોમર્સ વ્યવસાયના વિસ્તરણ અને ઓર્ડર વેલ્યૂમાં વધારાને કારણે નોંધાયો.
કંપની અનુસાર, Blinkit અને Hyperpure પ્લેટફોર્મ્સે આ વૃદ્ધિમાં મહત્વની ભૂમિકા ભજવી. Blinkitની નેટ ઓર્ડર વેલ્યૂ વર્ષ-દર-વર્ષ 121 ટકા વધીને ₹13,300 કરોડ રહી.
ફૂડ ડિલિવરી વ્યવસાયમાં નેટ ઓર્ડર વેલ્યૂ 16.6 ટકા વધીને ₹9,846 કરોડ નોંધાઈ. Going-out સેગમેન્ટમાં નેટ ઓર્ડર વેલ્યૂ 19.9 ટકા વધીને ₹2,587 કરોડ રહી.
Eternal ગ્રુપે એક્સચેન્જને જાણ કરી કે દીપિન્દર ગોયલે કંપનીના ડિરેક્ટર, મેનેજિંગ ડિરેક્ટર અને ચીફ એક્ઝિક્યુટિવ ઓફિસર (CEO) પદેથી રાજીનામું આપ્યું છે. આ રાજીનામું 1 ફેબ્રુઆરી 2026થી અમલમાં આવશે.
કંપનીના બોર્ડે અલબિંદર સિંહ ધિંડસાને નવા CEO તથા કી મેનેજરિયલ પર્સનલ (KMP) તરીકે નિયુક્ત કર્યા છે.
કંપનીએ જણાવ્યું કે ક્વિક કોમર્સ વ્યવસાયે ત્રિમાસિક દરમિયાન આવકમાં નોંધપાત્ર યોગદાન આપ્યું છે. Blinkit અને Hyperpure દ્વારા ઓર્ડર વેલ્યૂ, લોજિસ્ટિક્સ અને ડિલિવરી પ્રક્રિયાઓના માધ્યમથી આવક અને નફામાં વધારો નોંધાયો.
