માઇક્રોસોફ્ટે Microsoft Windows અને Microsoft Officeમાં જોવા મળેલી અનેક ગંભીર સુરક્ષા ખામીઓ અંગે ચેતવણી જાહેર કરી છે અને જરૂરી સુરક્ષા પેચ જારી કર્યા છે, સાથે જ તમામ વપરાશકર્તાઓને તાત્કાલિક સિસ્ટમ અપડેટ કરવાની સલાહ આપી છે.
Microsoft Windows અને Microsoft Officeમાં ઓળખાયેલી કેટલીક ખામીઓ એવી હતી કે જેના કારણે એક ક્લિક અથવા ફાઇલ ખોલતા જ સિસ્ટમ હેક થવાનો જોખમ હતો. કંપની મુજબ હેકર્સ વપરાશકર્તાને દુષિત લિંક પર ક્લિક કરાવવા અથવા Office ફાઇલ ખોલાવવાથી સિસ્ટમની ઍક્સેસ મેળવી શકતા હતા.
કંપનીએ તાજેતરમાં Windows અને Office સોફ્ટવેરમાં મળેલી જીરો-ડે ખામીઓની પુષ્ટિ કરી છે, જેમનો ઉપયોગ હેકર્સ પહેલેથી કરી રહ્યા હતા. અજાણ લિંક અથવા ફાઇલ મારફતે વપરાશકર્તા વન-ક્લિક હુમલાનો ભોગ બની શકે તેવી પરિસ્થિતિમાં આ ખામીઓ સામે આવી હતી. કંપની મુજબ આ નબળાઈઓ અંગેની માહિતી જાહેર થતાં જોખમ વધુ વધ્યું.
કંપનીએ જણાવ્યું છે કે આ નબળાઈઓનો લાભ લેવા અંગેની પદ્ધતિઓ પહેલેથી જ જાહેર થઈ ચૂકી હતી, જેના કારણે જોખમમાં વધારો થયો. આવા કિસ્સાઓમાં વપરાશકર્તાને જાણ ન પડે તેવી રીતે પૃષ્ઠભૂમિમાં મેલવેર ઇન્સ્ટોલ થઈ શકે છે.
માઇક્રોસોફ્ટે આ બગ્સને જીરો-ડે વલ્નરેબિલિટી તરીકે વર્ગીકૃત કર્યા છે. તેનો અર્થ એ થાય છે કે કંપની દ્વારા સુધારો જારી થાય તે પહેલાં જ હેકર્સને તેની માહિતી મળી ગઈ હતી અને તેનો દુરુપયોગ શરૂ થઈ ગયો હતો.
સાઇબર સુરક્ષા નિષ્ણાતોના જણાવ્યા અનુસાર જીરો-ડે ખામીઓ વધુ જોખમી ગણાય છે કારણ કે પેચ ઉપલબ્ધ થાય ત્યાં સુધી વપરાશકર્તા પાસે તાત્કાલિક સુરક્ષા ઉપાય ઉપલબ્ધ નથી અને સિસ્ટમ અસુરક્ષિત રહે છે.
કંપનીએ જણાવ્યું છે કે આ ખામીઓને દૂર કરવા માટે જરૂરી સુરક્ષા અપડેટ્સ જારી કરી દેવામાં આવ્યા છે. તમામ વપરાશકર્તાઓને તેમના Windows અને Office સોફ્ટવેરને તાત્કાલિક અપડેટ કરવાની સલાહ આપવામાં આવી છે. જો ઓટો-અપડેટ બંધ હોય તો મેન્યુઅલી અપડેટ તપાસવું જરૂરી છે.
કંપનીએ અજાણ લિંક પર ક્લિક ન કરવા, શંકાસ્પદ ઇમેલ એટેચમેન્ટ ન ખોલવા અને જરૂર વગર ફાઇલ ડાઉનલોડ ન કરવાની સલાહ આપી છે. અપડેટેડ એન્ટીવાયરસ અને મૂળભૂત સાઇબર સુરક્ષા પ્રથાઓ અપનાવવાથી આવા હુમલાનો જોખમ ઘટાડવામાં મદદ મળી શકે છે.
