ટોલો ન્યૂઝ મુજબ અફગાન સેનાએ પોતાના હવાઈ ક્ષેત્રના ઉલ્લંઘનના આરોપ હેઠળ એક પાકિસ્તાની F-16 ફાઇટર જેટને માર્યા હોવાનો દાવો કર્યો છે, જેના પગલે બંને દેશો વચ્ચે સુરક્ષા અને કૂટનીતિક તણાવ વધ્યો છે. પાકિસ્તાન તરફથી હજી સુધી કોઈ સત્તાવાર પ્રતિસાદ આપવામાં આવ્યો નથી.
હવાઈ ક્ષેત્ર ઉલ્લંઘન અને સુરક્ષા કાર્યવાહી
રિપોર્ટ અનુસાર, પાકિસ્તાની F-16 વિમાને અફગાનિસ્તાનના હવાઈ ક્ષેત્રમાં ઘૂસણખોરી કરી હતી. તેને અટકાવવા માટે અફગાન સેનાએ તાત્કાલિક કાર્યવાહી કરીને વિમાનને નષ્ટ કરી દીધું હોવાનું જણાવાયું છે. અફગાન અધિકારીઓએ જણાવ્યું કે તેમના સૈનિકોએ સતર્કતા દાખવી વિમાનની ઓળખ કરી અને યોગ્ય કાર્યવાહી કરી.
સોશિયલ મીડિયા પર વાયરલ થયેલી તસવીરો
ઘટના બાદ સોશિયલ મીડિયા પર બળતા વિમાનની તસવીરો અને વીડિયો વાયરલ થયા છે. તેમાં દાવો કરવામાં આવી રહ્યો છે કે આ જ તે F-16 ફાઇટર જેટ છે જેને અફગાન સેનાએ માર્યો છે. જોકે, વીડિયો વેરિફાઈ થયો નથી. સોશિયલ મીડિયા પર ઘટનાને લઈને ચર્ચા ચાલી રહી છે.
પાકિસ્તાનની પ્રતિક્રિયા બાકી
અફગાનિસ્તાન દ્વારા F-16 માર્યા હોવાના દાવા અંગે પાકિસ્તાન તરફથી હજી સુધી કોઈ સત્તાવાર નિવેદન આવ્યું નથી. આ ઘટનાનો બંને દેશો વચ્ચે કૂટનીતિક સ્તરે શું પ્રભાવ પડશે તે અંગે સ્થિતિ સ્પષ્ટ થવાની બાકી છે. કેટલાક નિષ્ણાતોએ જણાવ્યું છે કે આવા પરિસ્થિતિમાં વાતચીત અને શાંતિ જાળવવી જરૂરી છે.
