घरी ही झाडं चुकूनही लावू नका, कुटुंबाला होऊ शकतं मोठं नुकसान
घरात झाडं लावल्याने वातावरण शुद्ध होतं आणि घर दिसायलाही सुंदर दिसतं. बरेच लोक घरासमोर बाग बनवतात, तर काहीजण गच्चीवर किंवा बाल्कनीमध्ये कुंडीत झाडं लावतात. घरात झाडं लावल्याने सकारात्मक ऊर्जा निर्माण होते आणि घरात सुख-शांती टिकून राहते. पण माहिती नसल्यामुळे कोणतही झाड घरात लावणं हानिकारक असू शकतं.
घरात झाडं लावताना योग्य झाडाची निवड करणं खूप गरजेचं आहे. वास्तुशास्त्रानुसार काही झाडं घरात लावल्याने नकारात्मक परिणाम जीवनावर पडतो. वास्तुशास्त्रामध्ये सकारात्मक आणि नकारात्मक ऊर्जेला खूप महत्त्व आहे. हे शास्त्र सांगतं की, घरात आणि ऑफिसमध्ये काय केल्याने आनंद आणि सकारात्मक ऊर्जा येऊ शकते आणि काय केल्याने गोष्टी नकारात्मक होऊ शकतात. योग्य जागेला देखील वास्तुमध्ये खूप महत्त्व दिलं जातं. जाणून घ्या अशी कोणती झाडं आहेत जी चुकूनही घरात लावू नयेत.
घरी काटेरी झाडं लावू नका
घरी झाडं लावताना हे लक्षात ठेवा की झाडं काटेरी नसावीत. काही लोकांना कॅक्टस आवडतो आणि ते त्याला घरी लावतात. जर तुमच्या घरी सुद्धा कॅक्टस असेल, तर त्याला आजच हटवा. काटेरी झाडं घरी लावल्याने घरातील सदस्यांमध्ये तणाव आणि भांडणं होऊ शकतात.
दूध येणारी झाडं लावणे टाळा
ज्या झाडांच्या फांद्या तोडल्यावर दूध निघतं, अशी झाडं लावणं टाळायला हवं. वास्तुशास्त्रानुसार अशा झाडांना घरी लावल्याने आरोग्यावर वाईट परिणाम होतो. यासोबतच आंबा, जांभूळ, बाभूळ आणि केळीचं झाड देखील घरी लावू नये.
चिंचेचं झाड
आंबट चिंच खायला कुणाला आवडत नाही, पण चिंचेचं झाड घरी लावल्याने प्रगतीमध्ये अडचणी येऊ शकतात. त्याचबरोबर कुटुंबातील सदस्य आजारी पडू शकतात. म्हणून चिंचेचं झाड घरी लावू नये.
ही झाडं लावणं आहे शुभ
घराच्या बागेमध्ये नेहमी सुगंधी झाडंच लावावीत. यामध्ये चमेली, चाफा आणि रातरानी यांचा समावेश आहे. ही सर्व झाडं घरासाठी शुभ मानली जातात. घराच्या अंगणात तुळशीचं रोप लावणं शुभ मानलं जातं. हे हवा प्रदूषण देखील कमी करतं. याला घराच्या उत्तर दिशा, उत्तर-पूर्व, पूर्व दिशा किंवा अंगणाच्या मध्यभागी लावणं जास्त चांगलं असतं.
या प्रकारची झाडं घरात सुख-समृद्धी आणतात
घरात मनी प्लांट, तुळस इत्यादी झाडं लावता येतात. ही चांगली मानली जातात. तुम्ही घरात ऑर्किड आणि इतर फुलं आणि फळांची झाडं देखील लावू शकता. ह्यांच्यामुळे सकारात्मक ऊर्जा येते.
