हॉलीवूड अभिनेता आणि कॉमेडियन मार्टिन शॉर्ट यांची 42 वर्षीय मुलगी कॅथरीन शॉर्ट यांनी लॉस एंजेलिसमधील हॉलीवूड हिल्स येथील त्यांच्या निवासस्थानी स्वतःवर गोळी झाडून आत्महत्या केली. हा प्रकार सोमवारी संध्याकाळी घडला.
‘लॉस एंजेलिस टाइम्स’च्या वृत्तानुसार, सोमवारी सायंकाळी सुमारे 6 वाजता हॉलीवूड हिल्समधील त्यांच्या घरातून शेजाऱ्यांनी पोलिसांना माहिती दिली. त्यानंतर Los Angeles Police Department आणि लॉस एंजेलिस फायर डिपार्टमेंटच्या आपत्कालीन पथकांनी घटनास्थळी धाव घेतली. तपासात कॅथरीन यांनी स्वतःवर गोळी झाडून जीवन संपविल्याची पुष्टी झाली.
कॅथरीन शॉर्ट यांचे वय 42 वर्षे होते. त्यांनी त्यांच्या वडिलांप्रमाणे अभिनय क्षेत्रात करिअर केले नव्हते. त्या समाजसेवा आणि मानसिक आरोग्य क्षेत्रात कार्यरत होत्या.
कॅथरीन शॉर्ट या सोशल वर्कर म्हणून कार्यरत होत्या. त्यांनी मानसिक आरोग्य क्षेत्रात काम केले आणि स्वतःचा क्लिनिक चालविला. त्या ‘अमी हेल्थ’ (Amae Health) नावाच्या आउटपेशंट क्लिनिकमध्ये पार्ट-टाइम कार्यरत होत्या. संबंधित क्लिनिक मानसिक आरोग्य तज्ज्ञांद्वारे चालविले जाते. त्यांनी मानसिक आरोग्याबाबत जागरूकता निर्माण करण्यासाठी काम केले.
कॅथरीन शॉर्ट यांच्या निधनानंतर मार्टिन शॉर्ट आणि त्यांच्या कुटुंबीयांनी अधिकृत निवेदन जारी केले. निवेदनात म्हटले आहे की, अत्यंत दुःखाने आम्ही कॅथरीन हार्टले शॉर्ट यांच्या निधनाची पुष्टी करीत आहोत. शॉर्ट कुटुंब या घटनेमुळे व्यथित आहे. या काळात कुटुंबाच्या गोपनीयतेचा आदर करण्याचे आवाहन करण्यात आले आहे. कॅथरीन सर्वांना प्रिय होत्या आणि त्यांची आठवण कायम राहील.
