Clawdbot હાલમાં વૈશ્વિક ટેક સમુદાયમાં ચર્ચાનો વિષય બન્યો છે. આ એક પર્સનલ એઆઈ અસિસ્ટન્ટ છે, જે ક્લાઉડ સર્વર પર આધાર રાખ્યા વગર સીધા યુઝરના કમ્પ્યુટર પર ચલાવવામાં આવે છે.
Clawdbot યુઝરની મંજૂરી મળ્યા બાદ ઇમેલ્સ વાંચી શકે છે, કેલેન્ડર ચેક કરી શકે છે અને લોકલ ડોક્યુમેન્ટ્સ સુધી પહોંચ બનાવી શકે છે. સમય જતાં તે યુઝરની આદતો અને જરૂરિયાતોને યાદ રાખે છે, જેના કારણે તેનો ઉપયોગ સામાન્ય ચેટબોટની બદલે પર્સનલ અસિસ્ટન્ટ જેવો અનુભવ આપે છે.
Clawdbotની મુખ્ય વિશેષતા તેની ઓપન સોર્સ પ્રકૃતિ છે. આ કારણે ડેવલપર્સને તેનો કોડ જોવાની, તેમાં ફેરફાર કરવાની અને પોતાની જરૂરિયાત અનુસાર અલગ વર્ઝન બનાવવાની છૂટ મળે છે. વધુ યુઝર કંટ્રોલ અને પારદર્શિતા તેને પરંપરાગત એઆઈ ટૂલ્સથી અલગ બનાવે છે.
Clawdbotને લઇને ડેટા સુરક્ષાને લગતી ચિંતા પણ ઉઠી છે. કારણ કે આ ટૂલને કમ્પ્યુટરની ફાઇલ્સ વાંચવાની અને કમાન્ડ ચલાવવાની ઊંડી પરવાનગી આપવામાં આવે છે, જેના કારણે ડેટા લીક અથવા સિસ્ટમને નુકસાન પહોંચવાની શક્યતા નકારી શકાતી નથી.
Clawdbotના સર્જકો પોતે જ તેને સંપૂર્ણપણે સુરક્ષિત હોવાનો દાવો કરતા નથી. તેમના અનુસાર, આ ટૂલ હાલ એક્સપેરિમેન્ટલ છે અને દરેક યુઝર માટે યોગ્ય નથી. તેમ છતાં, વધુ કંટ્રોલ અને ઓપન સોર્સ મોડલના કારણે ટેક્નિકલ જાણકારી ધરાવતા અને નવા પ્રયોગોમાં રસ ધરાવતા યુઝર્સમાં તેનો ઉપયોગ વધતો જઈ રહ્યો છે.
